«اق جول» دەموكراتيالىق پارتياسى الماتى وبلىسى قاراوي اۋىلدىق وكرۋگىنىڭ 1200 تۇرعىنىنىڭ ۇيلەرىن سانيتارلىق ايماققا ساي ەمەس دەگەن جالعان سىلتاۋمەن ءسۇرىپ تاستاۋ قاۋپىنەن قورعاپ قالدى. «اق جول» دەمپارتياسى بۇل تالاپتاردىڭ ناقتى جاعدايعا سايكەس كەلمەيتىنىن دالەلدەدى.

بۇل ماسەلە 2023 جىلى تۋىندادى، ەگجەي-تەگجەيلى جوسپارلاۋ جوسپارلارىنا تۇزەتۋلەر ەنگىزۋ ناتيجەسىندە قاراوي جانە ن.تىلەنديەۆ اۋىلدارىنداعى ۋچاسكەلەر ءسىبىر جاراسىنان ولگەن ءىرى قارا مالدىڭ بولجامدى كومىلگەن جەرىنىڭ سانيتارلىق ايماعىندا ورنالاسقانى بەلگىلى بولدى. بۇل جەرلەر رەسمي تۇردە 2010–2020 جىلدارى بەرىلىپ، ول كەزدە قاۋىپتى دەپ سانالماسا دا، تۇرعىندار كەنەتتەن جىلجىمايتىن مۇلىكتەرىن تىركەي الماي، قۇجات الا الىپ، مەملەكەتتىك قولداۋدى پايدالانۋ مۇمكىندىگىنەن ايىرىلدى.

سۋرەت: akzhol.kz سايتىنان الىندى.

1200-دەن استام ءۇيدى ەشبىر وتەماقىسىز ءسۇرىپ تاستاۋ (نەمەسە ولاردىڭ قۇرىلىسى توقتاتۋ) ۇسىنىلدى.

جەرگىلىكتى بيلىكتىڭ بۇل شەشىمى ەكى اۋىلدىڭ تۇرعىندارىن ابىگەرگە سالىپ، داۋ تۋدىردى.

تۇرعىندار بىردەن «اق جول» دەمپارتياسى الماتى وبلىسى بويىنشا فيليالىنىڭ ءتورايىمى مەيراش شىناسىلوۆاعا جۇگىنىپ، اكىمدىكپەن كەلىسسوزدەر ناتيجە بەرمەگەن سوڭ، ول ءوز كەزەگىندە وسى ماسەلەگە ماجىلىستەگى «اق جول» فراكتسياسىنىڭ نازارىن اۋداردى. «اق جول» فراكتسياسىنىڭ دەپۋتاتى ەرجان بەيسەنباەۆ جوعارىدا اتالعان اۋىلداردى ارالاپ، تۇرعىندارمەن كەزدەسىپ، باس پروكۋراتۋراعا، اۋىل شارۋاشىلىعى مينيسترلىگىنە جانە الماتى وبلىسىنىڭ اكىمدىگىنە سانيتارلىق ايماقتى بەكىتۋگە رەسمي نەگىزدىڭ جوقتىعىنا توقتالىپ، رەسمي ساۋالدار جولدادى.

سۋرەت: akzhol.kz سايتىنان الىندى.

سانيتارلىق ايماقتىڭ قۇرىلۋىنا ەشبىر زەرتحانالىق تەكسەرۋسىز نەمەسە اۋرۋ جۇقتىرۋ قاۋپىنسىز تەك ەكى تۇرعىننىڭ اۋىزشا بەرگەن ايعاعى عانا نەگىز بولىپ شىققانى انىقتالدى.

بۇل ماسەلە ۇزاققا سوزىلعاندىقتان، «اق جول» دەمپارتياسىنىڭ ورتالىق  وفيستە باستاماشىل توپپەن كەزدەسىپ، ۋاكىلەتتى ورگاندارعا تاعى دا جۇگىندىك.

تاعايىندالعان ساراپتامالاردىڭ ناتيجەسىندە ەلدى مەكەندەر اۋماعىندا ءسىبىر جاراسىن جۇقتىرۋ قاۋپى تۋرالى اقپارات راستالماي، 2025 جىلدىڭ 19 ناۋرىزىندا اۋداندىق كوميسسيا بۇرىنعى شەشىمنىڭ كۇشىن جويىپ، تۇرعىن ۇيلەر مەن جەر تەلىمدەرى سانيتارلىق ايماقتان شىعارىلدى.

سۋرەت: akzhol.kz سايتىنان الىندى.

تۇرعىنداردىڭ ءوز ۇيلەرىنە (نەمەسە بولىنگەن جەر تەلىمدەرىندەگى قۇرىلىسقا) قۇقىقتارى تولىعىمەن قورعالدى.

«بۇل جاي عانا بيۋروكراتيالىق شەشىم ەمەس، بۇل ادىلەتتىلىكتى قالپىنا كەلتىرۋ. ءبىزدىڭ مۇڭ-مۇقتاجىمىزعا نازار اۋدارىپ، ادىلدىككە قول جەتكىزگەن «اق جول» پارتياسىنا جانە جەكە ەرجان بەيسەنباەۆقا العىس ايتامىز»، - دەدى باستاماشىل توپ جەتەكشىسى ايناش يمانعاليەۆا.

«اق جول» فراكتسياسى پارتيانىڭ سايلاۋالدى باعدارلاماسىن جۇزەگە اسىرۋ جانە سايلاۋشىلاردىڭ مىندەتتەمەلەرىن ورىنداۋ بويىنشا جۇمىستى جالعاستىرادى. 

Abai.kz