قاراعاندى وبلىسىندا «تازا قازاقستان» ەكولوگيالىق اكتسياسى اياسىندا اۋقىمدى كوگالداندىرۋ جۇمىستارى جالعاسۋدا. شاحتينسكىدە تابيعاتقا جاناشىر تۇرعىنداردىڭ كۇشىمەن «جاسىل بەلدەۋ» قۇرىلدى. اعاش ەگۋگە ەرەسەكتەر مەن بالالار شىقتى. جەڭىستىڭ 40 جىلدىعى كوشەسىندەگى اللەياعا 300 قاراعاش پەن قاراعاي كوشەتتەرى وتىرعىزىلدى. 

سۋرەت: gov.kz سايتىنان الىندى.

ەكولوگيالىق سەنبىلىكتىڭ جاس قاتىسۋشىسى تولعانايدىڭ ۇسىنىسىمەن كەيبىر اعاشتارعا اتاۋ بەرىلدى.

سۋرەت: gov.kz سايتىنان الىندى.

شاحتينسك قالاسىندا اعاش ەگۋگە وبلىس اكىمى ەرماعانبەت بولەكپاەۆ قاتىستى.

سۋرەت: gov.kz سايتىنان الىندى.

ايماق باسشىسى ءوز قالاسىن جاسىلداندىرىپ، كوركەيتۋگە دەگەن ۇمتىلىسى ءۇشىن تۇرعىندارعا العىسىن ءبىلدىردى.

سۋرەت: gov.kz سايتىنان الىندى.

–  بۇگىن جالپىرەسپۋبليكالىق سەنبىلىك ءوتىپ جاتىر. شاحتينسكىدە دە تۇرعىندار تازالاۋ جۇمىستارىنا شىقتى. سونداي-اق اعاش ەگۋ ءجۇرىپ جاتىر. «تازا قازاقستان» اكتسياسى – جاقسى يدەيا. ادامدار قولدايدى، – دەدى ەرماعانبەت بولەكپاەۆ.

سۋرەت: gov.kz سايتىنان الىندى.

كوگالداندىرۋ ءۇشىن ءوڭىردىڭ كليماتىنا بارىنشا بەيىمدەلگەن اعاشتاردىڭ تۇرلەرى تاڭدالعان. جاسىل جەلەكتەرگە كۇتىم جاسالادى.

سۋرەت: gov.kz سايتىنان الىندى.

– بۇگىن ءبىز اعاش ەگۋدى جالعاستىرۋدامىز. كوشەتتەر قاراعاندى تالىمباعىنان اكەلىندى. قاراعاي نەمەسە كادىمگى قاراعاش وتىرعىزامىز. ونىڭ كوشەتتەرى جاقسى جكرسىنەدى. جەڭىستىڭ 40 جىلدىعى كوشەسىنىڭ اللەياسىنا اعاش ەگەمىز. وتكەن جىلى اباتتاندىرۋ جۇمىستارى جۇرگىزىلىپ، تروتۋار توسەلدى، ال بيىل اعاش ەگۋدى جوسپارلاپ وتىرمىز، – دەيدى شاحتينسك قالاسى اكىمىنىڭ ورىنباسارى ارمان ساتتىباەۆ.

سۋرەت: gov.kz سايتىنان الىندى.

تولعاناي سەنبىلىككە اتا-اناسىمەن كەلدى. ول ءوزىنىڭ العاشقى اعاشىن – جاس تەرەك ەكتى. وعان «ءۇمىت» دەگەن ات بەرىپ، سۋارۋعا، كۇتۋگە كەلۋگە ۋادە بەردى.

سۋرەت: gov.kz سايتىنان الىندى.

ونىڭ ارەكەتىنەن باسقالار دا شابىت الىپ، ءوز كوشەتتەرىنە ات قويا باستادى.

سۋرەت: gov.kz سايتىنان الىندى.

وسى كۇنى شاحتينسكىدە باسقا دا ەكولوگيالىق اكتسيالار ءوتتى. سەنبىلىكتە ەسكەرتكىشتەردىڭ جانىنداعى اۋماقتار رەتكە كەلتىرىلدى. ەرىكتىلەر جالعىز باستى قارتتاردىڭ اۋلالارىن تازارتۋعا كومەكتەستى.

سۋرەت: gov.kz سايتىنان الىندى.

كوكتەمگى ەكى ايلىق باستالعالى شاحتينسك وڭىرىندە 1700-دەن استام اعاش ەگىلىپ، 300 گا اۋماق جينالىپ، 400 توننا قوقىس شىعارىلدى.

سۋرەت: gov.kz سايتىنان الىندى.

ەكولوگيالىق سەنبىلىكتەر وبلىس بويىنشا ءوتتى.

سۋرەت: gov.kz سايتىنان الىندى.

سۋرەت: gov.kz سايتىنان الىندى.

وبلىس ورتالىعىندا اباي كوشەسىندەگى ساياباق كوگالداندىرىلادى.

سۋرەت: gov.kz سايتىنان الىندى.

ءبىر كۇندە مۇندا 500-دەن استام اعاش پەن بۇتا ەگىلدى: قاراعاش، قاراعاي، شەگىرشىن، مامىرگۇل جانە قاراعان.

سۋرەت: gov.kz سايتىنان الىندى.

ەكوبەلسەندىلەردىڭ باستاماسىمەن جاڭا ەمحانا ماڭىنداعى كوگىلدىر توعاندار ساياباعى كوگالداندىرىلدى.

سۋرەت: gov.kz سايتىنان الىندى.

سۋرەت: gov.kz سايتىنان الىندى.

اعاش ەگۋدەن باسقا، رەسۋرس ۇنەمدەۋ تەحنولوگيالارىن پايدالانا وتىرىپ، وسىمدىكتەردى كۇتۋ بويىنشا شەبەرلىك ساباعى ءوتتى.

سۋرەت: gov.kz سايتىنان الىندى.

– ەگىلگەن ءاربىر اعاش – بالالارىمىزدىڭ بولاشاعىنا قوسقان ۇلەسى. مۇنداي اكتسيالار تابيعاتقا قامقورلىق جاساۋ مادەنيەتىن قالىپتاستىرادى. تەك بىرگە عانا ءبىز ەكولوگيالىق جاعدايدى جاقسارتا الامىز، – دەپ اتاپ ءوتتى «ەكووبراز» قوعامدىق بىرلەستىگىنىڭ ديرەكتورى سۆەتلانا بىلينسكايا.

سۋرەت: gov.kz سايتىنان الىندى.

تەمىرتاۋدا «تازا قازاقستان» اكتسياسىن قاراعاندى يندۋستريالدى ۋنيۆەرسيتەتىنىڭ قىزمەتكەرلەرى مەن وقىتۋشىلارى قولدادى.

سۋرەت: gov.kz سايتىنان الىندى.

جوو اۋماعىندا قايىڭ اعاشتارى ەگىلدى.

سۋرەت: gov.kz سايتىنان الىندى.

Abai.kz