ءماجىلىس توراعاسى ەرلان قوشانوۆ باستاعان پارلامەنت دەلەگاتسياسى ۆولگوگرادتا «ۇلى مۇرا – ورتاق بولاشاق» اتتى حالىقارالىق فورۋمعا قاتىستى. ءىس-شارا ۇلى وتان سوعىسىنداعى جەڭىستىڭ 80 جىلدىعىنا ارنالدى.

فورۋمعا قىتاي، قىرعىزستان، وزبەكستان، تاجىكستان، تۇرىكمەنستان، ازەربايجان، ارمەنيا، ۆەتنام، كۋبا، موڭعوليا، سەربيا، سلوۆاكيا جانە باسقا دا ەلدەردىڭ پارلامەنت دەلەگاتسيالارى قاتىستى.

سۋرەتتى تۇسىرگەن – ت.تانىباەۆ.

قورىتىندى سەسسيا رەسەي فەدەراتسياسىنىڭ پرەزيدەنتى ۆلاديمير پۋتين مەن بەلارۋس رەسپۋبليكاسىنىڭ پرەزيدەنتى الەكساندر لۋكاشەنكونىڭ قاتىسۋىمەن ءوتتى.

فورۋمنىڭ اشىلۋىندا ءسوز سويلەگەن ەرلان قوشانوۆ ەكىنشى دۇنيەجۇزىلىك سوعىس ادامزات شەجىرەسىندەگى ەڭ قايعىلى وقيعانىڭ ءبىرى رەتىندە كوپۇلتتى قازاقستاننىڭ ورتاق تاريحىنىڭ ءبىر بولىگى بولىپ قالعانىن اتاپ ءوتتى.

سۋرەتتى تۇسىرگەن – ت.تانىباەۆ.

– ءبىز وسىناۋ قاسيەتتى جەردە ۇلى وتان سوعىسىنداعى جەڭىستىڭ 80 جىلدىعى قارساڭىندا جينالىپ وتىرمىز. بۇل جەڭىس – دۇنيەجۇزىلىك ماڭىزى زور تاريحي وقيعا. سوعىستى، قاھارمانداردى، ولاردىڭ ەرلىگىن ماڭگى ەستە ساقتاۋ – ءبىزدىڭ قاسيەتتى بورىشىمىز. وسى ورايدا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ «قازاقستان ارقاشان تاريحي شىندىقتىڭ جانە ادامزات جىلناماسىنداعى ەڭ قاندى قاساپ تۋرالى شىنايى كوزقاراستىڭ ساقتالعانىن قالايدى» دەگەن سوزىنە نازار اۋدارعىم كەلەدى، – دەدى ءماجىلىس سپيكەرى.

ول سونداي-اق ۇلى جەڭىستىڭ 80 جىلدىعىنا وراي قازاقستان بويىنشا ەكى مىڭعا جۋىق ەسكە الۋ، عىلىمي-زەرتتەۋ، اعارتۋشىلىق جانە باسقا دا ءىس-شارالار وتكىزىلەتىنىن ايتتى. استاناداعى اسكەري شەرۋ ەڭ اۋقىمدى وقيعا بولماق. مەملەكەت باسشىسىنىڭ باستاماسىمەن ەلىمىزدىڭ تۇكپىر-تۇكپىرىندەگى ەلدى مەكەندەردە بەس جۇزدەن استام كوشەگە سوعىسقا قاتىسقان جەرگىلىكتى قاھارمانداردىڭ ەسىمى بەرىلەدى.

سۋرەتتى تۇسىرگەن – ت.تانىباەۆ.

ەرلان قوشانوۆ سوعىس جىلدارىندا قازاقستاندا بارلىق مايداندا شايقاسقان ونداعان اسكەري ءبولىم قۇرىلعانىن ايتتى. جالپى مايدانعا 1,7 ميلليوننان استام قازاقستاندىق اتتاندى. بۇل سول كەزدەگى رەسپۋبليكا حالقىنىڭ تورتتەن ءبىر بولىگى بولاتىن. ولاردىڭ جارتىسىنان استامى ۇرىس الاڭىنان ورالمادى. 500 قازاقستاندىق كەڭەس وداعىنىڭ باتىرى اتاعىن الدى، 100-دەن استامى داڭق وردەنىنىڭ تولىق كاۆالەرى بولدى. ال تورتەۋى ەكى مارتە كەڭەس وداعىنىڭ باتىرى اتاعىن يەلەندى.

ءماجىلىس سپيكەرى ستالينگراد مايدانىندا – ەكىنشى دۇنيەجۇزىلىك سوعىس تاريحىنداعى ەڭ ءىرى ءارى قانتوگىستى ۇرىستاردىڭ بىرىندە ءۇش ءجۇز مىڭنان استام قازاقستاندىق جاۋىنگەر ەرلىكپەن شايقاسقانىن ەسكە سالدى. سولاردىڭ تورتەۋى – نۇركەن ءابدىروۆ، قارسىباي سىپاتاەۆ، تيموفەي پوزولوتين جانە عاياز راماەۆ كەڭەس وداعىنىڭ باتىرى اتاعىنا يە بولدى.

سۋرەتتى تۇسىرگەن – ت.تانىباەۆ.

ساپار بارىسىندا ءماجىلىس دەلەگاتسياسى ماماەۆ قورعانىنداعى ەسكە الۋ ءىس-شارالارىنا قاتىستى. مۇندا دەپۋتاتتار ستالينگراد قورعانىسى كەزىندە ەرلىكپەن شايقاسقان قازاقستاندىقتارعا ارنالعان ەسكەرتكىشكە جانە 1942 جىلى جەلتوقساندا 23 جاسىندا شايقاستا ەرلىكپەن قازا تاپقان كەڭەس وداعىنىڭ باتىرى، قازاقستاندىق اسكەري ۇشقىش نۇركەن ءابدىروۆتىڭ ەسكەرتكىش تاقتاسىنا گۇل شوقتارىن قويدى.

«ستالينگراد شايقاسى» مۋزەي-پانوراماسىن ارالاۋ كەزىندە ەرلان قوشانوۆ ءماجىلىس اتىنان مۋزەيگە نۇركەن ءابدىروۆتىڭ تۋعان جەرى قاراعاندىدا ورناتىلعان ەسكەرتكىشىنىڭ شاعىن كوشىرمەسىن سىيعا تارتتى.

سونداي-اق قازاقستان دەپۋتاتتارى فورۋمنىڭ پانەلدىك سەسسيالارىنا جانە باتىرلار اللەياسىنداعى ماڭگىلىك الاۋ جاعۋ راسىمىنە قاتىستى.

Abai.kz