ۇلى جەڭىستىڭ 80 جىلدىعى قارساڭىندا قاراعاندى وبلىسىنىڭ اكىمى ەرماعانبەت بولەكپاەۆ ۇلى وتان سوعىسىنىڭ ارداگەرلەرىن، تىل ەڭبەككەرلەرىن، قورشاۋداعىلار مەن كونتسلاگەرلەر تۇتقىندارىن مەرەكەمەن قۇتتىقتادى.

جەڭىمپازداردى سوعىس جىلدارىنداعى اندەردى ورىنداعان ۇرمەلى اسپاپتار وركەسترى قارسى الدى،

ال ت. بيگەلدينوۆ اتىنداعى رەسپۋبليكالىق اسكەري مەكتەپتىڭ تاربيەلەنۋشىلەرىنەن قۇرالعان ءدالىز قوناقتاردى جابىق داستارحانعا شىعارىپ سالدى.

مۇراجاي ەكسپوناتتارى مەن اسكەري جابدىقتاردىڭ كورمەسى دە ۇيىمداستىرىلدى.

بۇگىندە قاراعاندى وبلىسىندا 8 سوعىس ارداگەرى، 2634 تىل ەڭبەككەرى، 116 ارداگەردىڭ جەسىرلەرى مەن ايەلدەرى، 29 كونتسلاگەردىڭ تۇتقىندارى جانە 10 لەنينگراد قورشاۋىندا قالعان ادامدار تۇرادى.

— قۇرمەتتى ارداگەرلەر! بۇل جىل ەرەكشە — جەڭىستىڭ 80 جىلدىعى. سىزدەر وتان الدىنداعى بورىشتارىڭىزدى ابىرويمەن اتقاردىڭىزدار. سىزدەردىڭ ومىرلىك جولدارىڭىز - جاستارعا ۇلگى، وتكەنمەن بولاشاق اراسىنداعى كوپىر. ءبىز سىزدەرگە قارىزدارىمىز. زور دەنساۋلىق، ۇزاق ءومىر جانە وتباسىلارىڭىزعا باقىت تىلەيمىن! — دەدى ەرماعانبەت بولەكپاەۆ.

ارداگەرلەرگە، قورشاۋداعىلارعا، كونتسلاگەرلەر تۇتقىندارىنا جانە تىل ەڭبەككەرلەرىنە العىس رەتىندە «ۇلى وتان سوعىسىنداعى جەڭىستىڭ 80 جىلدىعى» مەرەكەلىك مەدالدارى تابىس ەتىلدى.

كەزدەسۋگە قاتىسۋشىلار سوعىس جىلدارىن جىلى سەزىممەن ەسكە الدى.

100 جاسار گريگوري پەتروۆيچ ستەپەنكو ون سەگىزگە تولماعان كەزدە مايدانعا شاقىرىلعان. اۋىر شايقاستار بولىپ، بيىل استاناعا وڭىردەن كەلگەن دەلەگاتسيا قۇرامىندا جەڭىس شەرۋىنە اتتانادى.

— مەن تەك ءبىر نارسەنى عانا قالايمىن: قازىرگى بالالار سوعىستىڭ نە ەكەنىن ەشقاشان بىلمەۋى كەرەك، — دەيدى ول كۇلىمسىرەپ. — وزدەرىڭىزدى ءسۇيىپ، جەرىمىزدى ساقتاڭىزدار!

اننا نيكونوروۆنا كوتوۆا مايدانعا شىعۋ ءۇشىن اسكەري كوميسسارياتقا ءۇش رەت بارعان. كىشكەنتاي جانە نازىك قىزدى ءتىپتى مەدسانباتقا العىسى كەلمەگەن، بىراق بويجەتكەننىڭ تاباندىلىعى ۇستەم بولدى. 65-ءشى ەۆاكۋاتسيالىق گوسپيتالدىڭ قۇرامىندا ول ۆەناعا دەيىن جەتتى.

— باس دارىگەرىمىزدىڭ بىزگە سوعىستىڭ اياقتالعانىن، جەڭگەنىمىزدى ايتقانى ەسىمدە. دوسىم ەكەۋمىز ايقايلاپ، قۋانعانبىز. ءتىپتى 80 جىلدان كەيىن دە بۇل ەستەلىك قۋانىش ۇيالاتادى، — دەپ ەسكە الادى ارداگەر. — ال ۇيگە ءبىز 1946 جىلى عانا ورالدىق. بارشاڭىزعا دەنساۋلىق، بەيبىت اسپان تىلەيمىن. ەندى ءبىزدىڭ ەلىمىزدىڭ بىردە-ءبىر بۋىنى سوعىستىڭ نە ەكەنىن بىلمەسىن!

قارۋ-جاراق كانوناداسى تىيىلعانىنا 80 جىل بولدى، ال ۆيكتور سەمەنوۆيچ ابرامەنكوۆ ءالى كۇنگە دەيىن ءبارىن كەشەگىدەي ەسىندە ساقتاۋدا. سوعىس باستالعاندا ول التى جاستا بولدى جانە ول سمولەنسك وبلىسىندا تۇرعان، وندا سوعىس بويى پارتيزاندار بەلسەندى ارەكەت ەتتى. ۇرەيگە تولى ءتورت جىلدا كىشكەنتاي بالانىڭ كورمەگەنى جوق!

— مەن ءالى كۇنگە دەيىن كەيدە جارىلعىش بومبانىڭ دىبىسىن تۇسىمدە ەستيمىن. ول سونشالىق قورقىنىشتى بولعاندا، ءبىر جەرگە جاسىرىنعىم كەلەدى، — دەپ ەسكە الادى تىل ەڭبەككەرى. — ال جەڭىستى جاريالاعان كەزدە انام جىلادى: ءبىزدىڭ وتباسىمىزدىڭ ءبارى دە مايداننان ورالمادى.

ارداگەرلەردى قۇتتىقتاۋ كونتسەرتتىك باعدارلامامەن جالعاستى. جەرگىلىكتى ورىنداۋشىلار مەن انسامبلدەر ءوز ونەرلەرىن ورتاعا سالدى.

قاراعاندى مۋزىكالىق كومەديا تەاترى مەن ق. بايجانوۆ اتىنداعى كونتسەرت بىرلەستىگىنىڭ ارتىستەرى سوعىس جىلدارىنداعى اندەر شىرقالعان «نا پريۆالە» ادەبي-مۋزىكالىق قويىلىمىن كورسەتتى.

ال ارداگەرلەر تانىس اۋەندەرىن تىڭداپ، بىرگە ءان ايتتى.

سوعىس جىلدارى قازاقستاننان مايدانعا 1,2 ميلليوننان استام ادام اتتاندى. تەك قاراعاندى وبلىسىنان – 60 مىڭ، ونىڭ 25 مىڭى قايتىپ ورالماعان.

سۋرەتتەردى تۇسىرگەن: جانگەلدى ابدىعالىم

Abai.kz