قاراعاندى وبلىسىنىڭ بارلىق قالالارى مەن اۋداندارىندا ۇلى وتان سوعىسىنداعى جەڭىستىڭ 80 جىلدىعىنا ارنالعان ەستەلىك ءىس-شارالار وتۋدە.

سۋرەت: gov.kz سايتىنان الىندى.

وبلىس ورتالىعىندا «ماڭگىلىك الاۋ» مەموريالىنا گۇل شوقتارى قويىلدى.

سۋرەت: gov.kz سايتىنان الىندى.

ميتينگ-رەكۆيەمگە وبلىس اكىمى ەرماعانبەت بولەكپاەۆ، اسكەري قىزمەتشىلەر، بيلىك وكىلدەرى، قوعام قايراتكەرلەرى قاتىستى.

سۋرەت: gov.kz سايتىنان الىندى.

ەرتە تاڭنان باستاپ تۇرعىندار وزدەرىنىڭ اتا-بابالارىن ەسكە الۋ ءۇشىن مەموريالعا بارادى.

سۋرەت: gov.kz سايتىنان الىندى.

ۇلى وتان سوعىسىندا قازا بولعانداردى ءبىر مينۋت ۇنسىزدىكپەن ەسكە الدى.

سۋرەت: gov.kz سايتىنان الىندى.

وبلىس اكىمى، ونىڭ ورىنباسارلارى جانە وبلىستىق ءماسليحات توراعاسى بارلىق ارداگەرلەردى ءۇيدى-ۇيىنە ارالاپ قايتتى.

سۋرەت: gov.kz سايتىنان الىندى.

ولار ۇوس قاتىسۋشىلارىنا مەملەكەت باسشىسى قاسىم-جومارت توقاەۆتىڭ جەڭىس كۇنىمەن قۇتتىقتاپ، جىبەرگەن اتاۋلى اشىق حاتتارىن جانە «ۇلى وتان سوعىسىنداعى جەڭىسكە 80 جىل» مەرەيتويلىق مەدالدارىن تابىس ەتتى.

سۋرەت: gov.kz سايتىنان الىندى.

ەرماعانبەت بولەكپاەۆ 100 جاسار ماريا شينكەۆيچتىڭ ۇيىنە باردى. ول 19 جاسىندا اسكەري قىزمەتكە شاقىرىلعان. مەرگەندىك مەكتەپتەن ءوتىپ، مايدانعا اتتانعان. ءۇشىنشى بەلارۋس جانە ءبىرىنشى ۋكراينا مايداندارىندا سوعىسقان. چەحوسلوۆاكيانى ازات ەتۋگە قاتىسقان. جەڭىستى پراگادا قارسى العان. ەكىنشى دارەجەلى وتان سوعىسى وردەنىمەن، «ەرلىگى ءۇشىن»، «گەرمانيانى جەڭگەنى ءۇشىن»، «كەڭەس وداعىنىڭ مارشالى گ. ك. جۋكوۆ»، «ۋكراينانى ازات ەتكەنى ءۇشىن» ەكى مەدالىمەن ماراپاتتالعان. سوعىستان كەيىن ءتۇرلى كاسىپورىندار مەن ۇيىمداردا كادرلار جونىندەگى ينسپەكتور، ەكونوميست بولىپ جۇمىس ىستەدى، 1983 جىلى وبلىستىق ساۋدا باسقارماسىنان زەينەتكەرلىككە شىققان.

– سوعىستان كەيىن تۋعان جەرىمە ورالدىم، مەن ءۇشىن ەڭ جاقسى ەلدە – قازاقستاندا تۇردىم. مۇندا مەنىڭ اتا-انام جەرلەنگەن، مۇندا مەنىڭ وتانىم. بارشاڭىزعا دەنساۋلىق جانە بەيبىت اسپان تىلەيمىن! – دەپ قاراعاندىلىقتاردى جەڭىس كۇنىمەن ماريا شينكەۆيچ قۇتتىقتادى.

سۋرەت: gov.kz سايتىنان الىندى.

وبلىس اكىمى ارداگەر سۇڭعات ساتتىعۇلوۆقا باردى. ول 102 جاستا. مايدانعا 18 جاسىندا الماتى اسكەري جاياۋ اسكەرلەر ۋچيليششەسىندە وقىعاننان كەيىن شاقىرىلعان. ستالينگراد تۇبىندەگى ۇرىستارعا قاتىسقان. جاراقات الىپ، گوسپيتالدە ەمدەلگەننەن كەيىن مايدانعا ورالعان.

سۋرەت: gov.kz سايتىنان الىندى.

ەكىنشى دارەجەلى وتان سوعىسى وردەنىمەن، «جاۋىنگەرلىك ەڭبەگى ءۇشىن»، «گەرمانيانى جەڭگەنى ءۇشىن»، «ستالينگرادتى قورعاعانى ءۇشىن» مەدالدارىمەن ماراپاتتالعان. 1947 جىلى دەموبيليزاتسيادان كەيىن الماتى وبلىسىنىڭ شامالعان قۇرىلىس تەحنيكۋمىن ءبىتىرىپ، كوپ جىلدار بويى قۇرىلىستا ەڭبەك ەتتى. قاراعاندىدا 1956 جىلدان بەرى تۇرادى.

سۋرەت: gov.kz سايتىنان الىندى.

بۇگىنگى تاڭدا قاراعاندى وبلىسىندا ۇلى وتان سوعىسىنىڭ سەگىز ارداگەرى تۇرادى.

سۋرەت: gov.kz سايتىنان الىندى.

جەڭىس كۇنىنە وراي ولارعا 5 ملن تەڭگەدەن ماتەريالدىق كومەك كورسەتىلدى.

سۋرەت: gov.kz سايتىنان الىندى.

سونداي-اق، تىل ەڭبەككەرلەرىنە، كونتسلاگەرلەر تۇتقىندارىنا، قورشاۋداعى لەنينگراد تۇرعىندارىنا جانە ۇلى وتان سوعىسىنىڭ ارداگەرلەرىنە تەڭەستىرىلگەن باسقا دا ساناتتارعا بەلگىلى ءبىر مولشەردە ءبىر رەتتىك ماتەريالدىق كومەك كورسەتىلدى.

سۋرەت: gov.kz سايتىنان الىندى.

Abai.kz