«اق جول» پارتياسى الجير-دە تاعزىم ەتىپ، رەسپۋبليكالىق دەڭگەيدە ەسكە الۋ شاراسىن وتكىزدى!

31 مامىر – ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي ماجىلىستەگى «اق جول» دەموكراتيالىق پارتياسىنىڭ دەپۋتاتتارى مەن پارتيا وكىلدەرى الجير مەموريالدىق كەشەنىنە ارنايى بارىپ، «الاش» قوزعالىسىنىڭ ارداقتى قايراتكەرلەرى مەن توتاليتارلىق جۇيەنىڭ جازىقسىز قۇرباندارىنا تاعزىم ەتتى.

ازات پەرۋاشەۆ، ءماجىلىس دەپۋتاتى، «اق جول» پارتياسىنىڭ توراعاسى:

– شاراعا پارلامەنتى ءماجىلىسى دەپۋتاتتارى سەرىك ەرۋباەۆ، ەرجان بەيسەنباەۆ، «اق جول» فراكتسياسىنىڭ اپپارات جەتەكشىسى بەرىك دۇيسەمبينوۆ، «اق جول» پارتياسىنىڭ اپپارات جەتەكشىسى اسىلحان قوجاحمەتوۆ، استانا قالاسى پارتيا فيليالىنىڭ توراعاسى، ماسليحات دەپۋتاتى اسقار سماعۇلوۆ پەن جەرگىلىكتى ماسليحاتتارداعى پارتيا اتىنان سايلانعان دەپۋتاتتار، قاراعاندى وبلىسى مەن قالاسى ءماسليحاتتارىنىڭ دەپۋتاتتارى، پارتيا بەلسەندىلەرى قاتىستى.

الدىمەن «الجير» قاسىرەت مەموريالىنا بارىپ، زۇلمات پەن زوبالاڭ قۇرباندارىنىڭ رۋحىنا قۇران باعىشتاپ، گۇل شوقتارىن قويدىق. ودان كەيىن، «اشارشىلىق قۇرباندارى» ەسكەرتكىشى الدىندا ساياسي قۋعىن-سۇرگىن جانە اشارشىلىق قۇرباندارىنىڭ رۋحىنا تاعزىم ەتىپ، قۇران باعىشتادىق.

سونداي-اق، «الاشقا تاعزىم» ءداستۇرلى شاراسى الماتى، تالدىقورعان، شىمكەنت قالالارى مەن اقتوبە، اتىراۋ، پاۆلودار، شىعىس قازاقستان، قوستاناي، سولتۇستىك قازاقستان، قىزىلوردا، جامبىل، تۇركىستان، اباي، ماڭعىستاۋ، اقمولا وبلىستارىندا دا ءوتتى.

سۇرەتتەردە: تاراز، قىزىلوردا، كوكشەتاۋ، اقتاۋ، شىمكەنت، پەتروپاۆل، الماتى، اتىراۋ، الماتى وبلىسى، سەمەي، پاۆلودار، اكتوبە، وسكەمەن، تالدىقورعان، قوستاناي، ورال، ت.ب.

(سۋرەتتەر اق جول پارتياسىنان الىندى)

Abai.kz