"سارباسوۆپەن بايلانىسىم جوق، ماقساتىم ءبىلىم بەرۋدەگى بىلىقتى اشۋ بولدى", – دەيدى زاڭگەر ايگۇل ورىنبەك. 

بۇعان دەيىن ءبىز مانات سارباسوۆ ىسىنە قاتىستى بىرجاقتى اقپاراتتار لەگى جايلى جازعان ەدىك. قازىرگى تاڭدا قوعام نازارىن اۋدارعان بۇل سوت پروتسەسى اشىق تۇردە ءوتىپ جاتسا دا، كۋاگەرلەردىڭ سوتتا ايتقان كەيبىر مالىمەتتەرى باق بەتتەرىندە جاريالانىپ كەتتى.

ال سوت توراعاسى پروتسەستەگى ماتەريالداردى جاريالاۋعا تىيىم سالعان ەدى. بۇل — سوتتان تىكەلەي رۇقساتسىز دەرەكتەردىڭ جاريالانۋىنا قاتىستى زاڭدى ساۋال تۋعىزدى. وسىعان بايلانىستى بەلگىلى زاڭگەر، ۇلتتىق قۇرىلتايدىڭ بۇرىنعى مۇشەسى، قوعام بەلسەندىسى ايگۇل ورىنبەك ءوزىنىڭ “ادىلدىكتى ىزدەيمىن” اتتى YouTube ارناسىندا وسى ىسكە قاتىستى جەكە تالداۋ جاساپ، ءوز ۇستانىمىن اشىق جەتكىزدى.

ايگۇل ورىنبەكتىڭ ماتەريالىندا بىلاي دەلىنگەن:

ايگۇل ورىنبەك اتىشۋلى سارباسوۆ ىسىنە قاتىستى ءوزىن كىنالاۋشىلارعا جاۋاپ بەرىپ، تەرگەۋ بارىسىنداعى ناقتى وقيعالاردى تىزبەكتەپ ايتىپ بەردى. ونىڭ ايتۋىنشا، بۇل ىسكە ەشقانداي قاتىسى جوق جانە ول، كەرىسىنشە، ءبىلىم سالاسىنداعى جۇيەلى جەمقورلىقتى اشۋعا تىرىسقان.

– 22 قاراشادا مەن ەكى اي بۇرىن جوسپارلاپ قويعان دەمالىسقا اتا-اناممەن بىرگە شەتەلگە كەتتىم. سول كەزدە – مەن شەتەلدە جۇرگەندە – سارباسوۆتىڭ ۇيىندە ءتىنتۋ جۇرگىزىلىپ، ونى قاماۋعا الۋ كەرەك بولعان. الايدا تەرگەۋشىلەر بۇل جولى دا ونى قاماعان جوق، – دەيدى ايگۇل ورىنبەك.

ول ءوزىنىڭ جاريالاعان ۆيدەوماتەريالدارىندا جەمقورلىق فاكتىلەرىن اشۋعا تىرىسقانىن، ءتىپتى ەلميرا دۇيسەنقىزىنىڭ قاۋىپسىزدىگى ءۇشىن الاڭداپ، ونى الدىن الا كامەرا ورناتۋعا شاقىرعانىن ايتادى.

– وزدەرىڭىز مەنىڭ جاريالاعان ۆيدەوماتەريالدارىمدى كورىپ وتىرسىزدار. وندا مەن ناقتى: "سارباسوۆتى قاشان قاماۋى مۇمكىن، ءوزىڭ اباي بول، كامەرا قوي" دەپ ەلميرا حانىمعا ەسكەرتكەنمىن. ەگەر مەن، ەلميرا حانىم ايتىپ جۇرگەندەي، سارباسوۆپەن نەمەسە جۇماشوۆپەن قانداي دا ءبىر بايلانىستا بولسام، ولاردى دۋبايدان-اق الدىن الا ەسكەرتىپ: "عالىمجان سەنىڭ ۇستىڭنەن ارىز جازدى، تىركەۋگە الدى، سەنى قاماعالى جاتىر، قاش" دەپ ايتۋىما بولار ەدى عوي. بىراق مەن ونداي ارەكەتكە بارعان جوقپىن. مەنىڭ جالعىز ماقساتىم – ءبىلىم سالاسىنداعى جۇيەلەنىپ كەتكەن جەمقورلىقتى اشۋ بولدى، – دەيدى زاڭگەر.

ايگۇل ورىنبەكتىڭ ايتۋىنشا، 2023 جىلدىڭ قاراشا ايىندا تەرگەۋشى ەرنار كۇزەنباەۆ سارباسوۆتى قاماۋعا الۋ كەرەك ەكەنىن ايتقان. بىراق تەرگەۋدىڭ باياۋ جۇرۋىنە نارازى بولعان ەلميرا دۇيسەنقىزى تەرگەۋشىگە سەنىمسىزدىك ءبىلدىرىپ، ءىستى جوعارىعا جولداۋدى سۇراعان.

– مەن ونىڭ ارىزىن الىپ كەتكەن سوڭ: "بۇكىل ءمان-جايدى تولىق بايانداپ بەرىڭىز", – دەپ سۇرادىم. 1 جەلتوقساندا ەلميرا حانىم ءوز جۇمىس ورنىنا شاقىرىپ، بولعان وقيعانىڭ ءبارىن بۇگە-شىگەسىنە دەيىن ايتىپ بەردى. ول ماعان جوعارى تۇرعان باس پروكۋراتۋرا مەن ۇلتتىق قاۋىپسىزدىك كوميتەتىنىڭ توراعاسىنا ارىز دايىنداپ بەرۋدى سۇرادى، – دەيدى ايگۇل ورىنبەك.

4 جەلتوقساندا العاشقى تەرگەۋ امالدارىنا شاقىرىلعاندا، ايگۇل ورىنبەك تەرگەۋ بارىسىنداعى ءبىر زاڭسىزدىقتى بايقاعانىن ايتادى:

– تەرگەۋشى ەرنار كۇزەنباەۆ مەنى بىردەن ىسكە قاتىستىرعان جوق. سەبەبى ەلميرا دۇيسەنقىزى ول كەزدە جابىرلەنۋشى ەمەس، تەك كۋاگەر رەتىندە تانىلعان ەكەن. مەن تاڭعالدىم: ارىزدانۋشى قالاي كۋاگەر بولادى؟ وسىعان بايلانىستى تەرگەۋشىمەن كەلىسپەۋشىلىك تۋىندادى. ءسويتىپ مەنى تەرگەۋ ىسىنە مۇلدە قاتىستىرماي، شىعارىپ جىبەردى. دەمەك، زاڭگەر رەتىندە مەن بۇل ىسكە العاشقىلاردىڭ ءبىرى بولىپ قاتىسقان جوقپىن. مۇنى ۇقك-ءنىڭ بەرگەن رەسمي انىقتاماسى دا دالەلدەيدى.

ودان كەيىن تەرگەۋ مۇلدە توقتاپ قالعان. ايگۇل ورىنبەكتىڭ ايتۋىنشا، ەلميرا دۇيسەنقىزى تەرگەۋشى كۇزەنباەۆتىڭ ارەكەتىنە كوڭىلى تولماي، استانادان اليamp جەتەكشىلىك ەتەتىن باسقا تەرگەۋ توبىن كۇتكەن. بىراق ءىس سوزىلىپ كەتكەن.

– مەن "استاناعا بارىپ، ارىز جازايىق، سارباسوۆ پەن جۇماشوۆتى نەگە قاماماي وتىر؟" دەپ بىرنەشە رەت ۇسىنىس ايتتىم. بىراق ەلميرا حانىم "جوق، جاڭا تەرگەۋ توبى كەلەدى" دەپ، ءبارىن سوزبالاڭعا سالدى. سودان بەرى ناقتى قادام جاسالماي كەلەدى، – دەيدى ايگۇل ورىنبەك.

ايگۇل ورىنبەكتىڭ ايتۋىنشا، 2023 جىلدىڭ 24 جەلتوقسانىندا ەلميرا دۇيسەنقىزى ونى ۇيىنە شاقىرىپ، م. سارباسوۆقا قاتىستى داۋىس جازباسى جايلى ءسوز قوزعاعان.

– ەلميرا م.سارباسوۆتىڭ داۋىسى جازىلعان جازبانى بىرەۋگە ۇسىنعانىن ايتتى. مەن بىردەن 'كابينەت تازا ما؟' دەپ سۇرادىم. سەبەبى ول جەردە ەلميرا كۇزەمباەۆتىڭ – ۇقك-ءنىڭ ىشكى تەرگەۋ توبىنىڭ جەتەكشىسىنىڭ زاڭسىز ارەكەتتەرى تۋرالى ايتقان ەدى. كابينەتكە ونىڭ كومەكشىلەرى مەن باسقا قىزمەتكەرلەر دە كىرىپ جۇرەتىن. بىراق ەلميرا «ول جەر تازا» دەدى، ال جازبادا تەك ءوزىنىڭ داۋسى بار ەكەنىن ايتتى. ياعني، سارباسوۆ ۇسىنعان جازبادا مەنىڭ داۋسىم جوق”، – دەيدى ا.ورىنبەك.

وسى تۇستا قوعام بەلسەندىسى م.سارباسوۆ پەن تەرگەۋ توبى اراسىنداعى بايلانىسقا كۇمان كەلتىرىپ، تەرگەۋ توبى جازبانى ءوزىنىڭ سارباسوۆپەن بايلانىسى بارداي ەتىپ كورسەتۋگە تىرىسقان بولۋى مۇمكىن ەكەنىن العا تارتتى.

– «مەنەن «سەن جازدىڭ با؟» دەگەن سۇراق تۋادى. ءيا، مەن جازدىم. بىراق ول جازبانى سارباسوۆقا بەرۋ ءۇشىن ەمەس، ەگەر ءىس جابىلىپ قالسا، باس پروكۋراتۋرا مەن ۇقك توراعاسىنا بارىپ، «ءبىلىم سالاسىنداعى جەمقورلىق نەگە جابىلىپ قالا بەرەدى؟» دەپ كورسەتۋ ءۇشىن جاسادىم. جازبالاردا ءتۇرلى تۇلعالاردىڭ داۋىسى بار. ال ولار ەلميرا مەنىڭ ۇستىمنەن جالعان ارىز جازعان سوڭ عانا جاريا بولدى»، – دەيدى زاڭگەر.

ايگۇل ورىنبەك ءوز بەينەجازباسىندا ەلميرا دۇيسەنقىزىنا قاراتا وتكىر سىن ايتىپ، لوگيكالىق قايشىلىقتارعا نازار اۋداردى.

– ەلميرا، لوگيكاڭ قايدا؟ ەگەر مەن سارباسوۆپەن بايلانىستا بولسام، نەگە ءبىلىم سالاسىنداعى جەمقورلىقتى اشۋ ءۇشىن ۇقك توراعاسىنا رەسمي ۇندەۋ جاساپ، بارلىق قۇزىرلى ورگانداردى تەكسەرۋدى تالاپ ەتەمىن؟ نەگە جوعارىعا ارىزدانامىن؟»، – دەدى قوعام بەلسەندىسى.

Abai.kz