ەسكى بيلىك تۇسىندا ەلدەن شىعارىلعان زاڭسىز اكتيۆتەردى (قىرۋار قاراجات) ەلگە قايتارۋ بويىنشا، ارنايى جۇمىس توبى قۇرىلىپ، بۇل ءىس بىرتە-بىرتە اتقارىلا باستاعانى بەلگىلى.

كەي دەرەكتەرگە كوز جۇگىرتسەك، مەملەكەتكە قايتارىلعان زاڭسىز اكتيۆتەر قۇنى 2 تريلليون تەڭگەدەن اسقان ەكەن. ال بۇل قاراجاتتار قايدا جۇمسالۋدا نەمەسە جۇمسالماق دەگەن ساۋالدىڭ جاۋابىن ۇكىمەت بۇگىن بىلاي دەپ بەرىپتى:

«ەلىمىزدە قايتارىلعان اكتيۆتەر قاراجاتى ەسەبىنەن 318 ملرد تەڭگەگە 400-دەن استام الەۋمەتتىك نىسان سالىنۋدا. زاڭسىز يەمدەنىلگەن اكتيۆتەردى مەملەكەت مەنشىگىنە قايتارۋ جۇمىستارى جالعاسۋدا. مەملەكەت باسشىسى قاسىم-جومارت توقاەۆتىڭ تاپسىرماسى بويىنشا بۇل قاراجات بۇكىل ەل بويىنشا جۇزدەگەن الەۋمەتتىك نىسان قۇرىلىسى مەن جاڭعىرتۋ جۇمىستارىنا جۇمسالۋدا. باستى نازار الەۋمەتتىك ماڭىزدى ينفراقۇرىلىمعا اۋدارىلادى»، - دەيدى.

قازىرگى تاڭدا جالپى قۇنى 318 ملرد تەڭگەنى قۇرايتىن 406 جوبانى قارجىلاندىرۋ ماقۇلدانعان. ونىڭ ىشىندە 9 ءبىلىم بەرۋ نىسانى، سپورت سالاسىنداعى 3 نىساندى، دەنساۋلىق ساقتاۋ سالاسىنداعى 162 جوبانى، سۋمەن جابدىقتاۋ سالاسىنداعى 159 جوبانى قوسا العاندا، 333 جوبا ىسكە اسىرىلۋدا.

تولىعىراق: https://t.me/KZgovernment/17324

Abai.kz