قارجى مونيتورينگى اگەنتتىگىنىڭ شقو بويىنشا دەپارتامەنتى مەملەكەت قاتىساتىن ۇلەستى زاڭسىز يەلىكتەن شىعارۋ فاكتىسى بويىنشا تەرگەۋدى اياقتادى.

د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتىنە جالپى قۇنى 1,5 ملرد تەڭگە بولاتىن "تەحنوپارك "التاي" جشس-داعى 100% ۇلەس، 8 مىڭ شارشى مەترلىك عيمارات پەن 1,3 گا جەر تەلىمى قايتارىلعان، دەپ جازادى inbusiness.kz سايتى.

د. سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى – ەلدەگى جەتەكشى جوعارى وقۋ ورىندارىنىڭ ءبىرى. ۋنيۆەرسيتەت مەتاللۋرگيا، ماشينا جاساۋ، ەنەرگەتيكا، مەديتسينالىق تەحنيكا جانە باسقا دا سالالار ءۇشىن ماماندار دايارلاۋمەن اينالىسادى. ونىڭ قۇرامىندا 17 عىلىمي ورتالىق، زەرتحانا جانە عىلىمي-وندىرىستىك الاڭ جۇمىس ىستەيدى.

الايدا، 2018-2020 جىلدارى ۋنيۆەرسيتەتتىڭ بۇرىنعى باسشىلىعى "تەحنوپارك "التاي" جشس-نىڭ جارعىلىق كاپيتالىنداعى 78% مەملەكەتتىك ماجوريتارلىق ۇلەستى زاڭسىز تۇردە جەكەمەنشىككە وتكىزگەن.

مەملەكەت باسشىسىنىڭ زاڭسىز شىعارىلعان اكتيۆتەردى قايتارۋ جونىندەگى تاپسىرماسىن ورىنداۋ اياسىندا ۋنيۆەرسيتەتكە جالپى قۇنى 1,5 ملرد تەڭگە بولاتىن "تەحنوپارك "التاي" جشس-داعى 100% ۇلەس، 8 مىڭ شارشى مەترلىك عيمارات پەن 1,3 گا جەر تەلىمى قايتارىلدى.

قايتارىلعان اكتيۆتەر زەرتحانالىق جانە وقۋ بازالارىن ورنالاستىرۋعا، سونداي-اق تراۆماتولوگيا، ورتوپەديا جانە ونكولوگيالىق پروتەزدەۋگە ارنالعان مەديتسينالىق ونىمدەر شىعاراتىن يننوۆاتسيالىق كلاستەردى دامىتۋعا پايدالانىلاتىن بولادى.

Abai.kz