.png)
يران-يزرايل سوعىسى: قازاقستان مالىمدەمە جاسادى
قازاقستان سىرتقى ىستەر مينيسترلىگى تاياۋ شىعىستاعى احۋال بويىنشا ارنايى مالىمدەمە جاريالادى. مالىمدەمەدە:
«اقش-تىڭ يرانعا قارسى سوڭعى اسكەري ارەكەتتەرىنىڭ ناتيجەسىندە الەمنىڭ ءبىزدىڭ بولىگىندە ورنالاسقان مەملەكەتتەردىڭ قاۋىپسىزدىگى ءۇشىن قاتەرلى سالدارى بار حالىقارالىق جاعدايدىڭ كۇرت ناشارلاۋى بايقالۋدا.
قازاقستان كاسپي ماڭى ەلدەرىنىڭ توبىنا كىرەدى جانە يرانمەن ءتۇرلى سالالارداعى ىنتىماقتاستىقتى دامىتۋدا. مەملەكەتىمىز بارلىق كەلىسپەۋشىلىكتەردى، ونىڭ ىشىندە يادرولىق ماسەلەلەردى بۇۇ جارعىسى نەگىزىندە كەلىسسوزدەر جۇرگىزۋ ارقىلى شەشۋ قاجەت دەپ سانايدى.
بارلىق مۇددەلى ەلدەردى يادرولىق قارۋدىڭ تارالۋىنا جول بەرمەۋ جانە حالىقارالىق باقىلاۋمەن تاراتپاۋ رەجيمىن ۇستاناتىن مەملەكەتتەردىڭ قاۋىپسىزدىگىنە كەپىلدىكتەر بەرۋ ماقساتىندا كەلىسىمدى جاقىن ارادا ازىرلەۋگە شاقىرامىز»، - دەپ جازىلعان.
Abai.kz
