ۋكراينا اسكەرى دونباستاعى شايقاستاردا كەزەكتى مارتە باسىمدىققا يە بولدى.

قورعانىس كۇشتەرى دونەتسك وبلىسىنداعى ۆلاديميروۆكا اۋىلىن ازات ەتىپ، رازينو، زولوتوي كولودەز جانە نوۆوتورەتسكوە ماڭىندا رەسەيلىك اسكەردى كەيىن شەگىندىردى. مۇنى DeepState جوباسى رەسمي دەرەكتەرمەن دە راستادى. ارينە، «كيەۆتى ءۇش كۇندە الامىز» دەپ كوكىگەن كرەملدىڭ جوسپارى تاعى دا كۇل-تالقان بولدى. قازىر 12 جىل بويى دونەتسكتى تولىق وككۋپاتسيالاي الماي جۇرگەن ارميانى «الەمنىڭ ەكىنشى كۇشى» دەپ اتاۋدىڭ ءوزى قيىن بولىپ تۇر.

اسكەري ساراپشىلار سوڭعى ايداعى ستاتيستيكانى ايرىقشا اتاپ ءوتتى. تامىز ايىندا عانا ۋكراينا اسكەرى 26 شارشى شاقىرىم جەرىن قايتارىپ العان، ال رەسەيلىكتەر بار بولعانى 5 شاقىرىم جەردى ۋاقىتشا يەلەنگەن.

ەڭ قىزىع ۋكراين دروندارى ءبىر ايدا 67 مىڭنان استام رەسەيلىك نىساندى سوققىعا العان. ولاردىڭ ىشىندە مۇناي وڭدەۋ زاۋىتتارى، اسكەري قويمالار مەن ستراتەگيالىق ينفراقۇرىلىمدار بار. وسىلايشا ماسكەۋ ۋكراين دروندارىنىڭ كولەڭكەسىنەن قورقاتىن كۇيگە جەتكەن.

ەڭ قىزىعى – ۋكراينا اسكەرى ءبىر جىلدان بەرى رەسەيدىڭ كۋرسك وبلىسىنىڭ ءبىر بولىگىن ءالى ۇستاپ تۇر. جەر كولەمى ۇلكەن ەمەس، بىراق سيمۆولدىق ءمانى زور. «داماسكتى ءۇش كۇندە الامىز» دەگەن رەسەي ارمياسى ءوز اۋماعىنداعى شاعىن ۋچاسكەنى ءبىر جىل بويى قايتارىپ الا الماي الەككە تۇسۋدە.

بۇل سوعىس ەندى تەك تەرريتوريا ءۇشىن ەمەس، ابىروي ءۇشىن ءجۇرىپ جاتقان سياقتى. ۋكرايندار جەرىن قورعاپ قانا قويماي، «ەكىنشى ارمياعا» قاتىستى ءميفتىڭ كۇلىن كوككە ۇشىردى. ەگەر ماسكەۋ دونباستاعى ءبىر اۋىلدى ۇستاپ قالا الماسا، ونىڭ ناتو-عا قارسى سوعىس اشۋ جوسپارى – بوس قيال عانا.

نۇرلان جۇماقانوۆ

Abai.kz