3-9 قىركۇيەك كۇندەرى قىرعىز رەسپۋبليكاسىنىڭ چولپون-اتا قالاسىندا جوعارى وقۋ ورىندارى ستۋدەنتتەرى اراسىندا III تۇركى ۋنيۆەرسياداسى ءوتتى.

ۋنيۆەرسياداعا تۇركى مەملەكەتتەرى ۇيىمىنا مۇشە ەلدەردىڭ ستۋدەنت-سپورتشىلارى قاتىستى. اتاپ ايتقاندا، قازاقستان رەسپۋبليكاسى، ازەربايجان رەسپۋبليكاسى، قىرعىز رەسپۋبليكاسى، تۇركيا رەسپۋبليكاسى جانە وزبەكستان رەسپۋبليكاسى سپورتشىلارى. جارىس ۆولەيبول، فۋتزال، ۇستەل تەننيسى، شاحمات، دزيۋدو، ەركىن كۇرەس جانە گرەك-ريم كۇرەسى سياقتى 7 سپورت ءتۇرى بويىنشا وتەدى.

III تۇركى ۋنيۆەرسياداسىنا بارلىعى 5 ەلدەن 450 دەلەگات قاتىسسا، قازاقستان قۇراماسىن 15 جوعارى وقۋ ورنىنان كەلگەن 66 سپورتشى تانىستىردى. ولار بارلىق 7 سپورت تۇرىنەن باق سىنادى.

جارىس قورىتىندىسى بويىنشا قازاقستاندىق ستۋدەنتتەر 8 التىن، 4 كۇمىس جانە 11 قولا، جالپى سانى 23 مەدال يەلەندى.

كەلەسى IV تۇركى ۋنيۆەرسياداسى 2027 جىلى تۇركيا رەسپۋبليكاسىندا وتەدى.

Abai.kz