اقش-تىڭ ارنايى وكىلى بارراك: «بۇۇ-دا بىرەۋلەر بىردەڭە جاساۋعا تىرىسىپ جاتقانى جاقسى ارينە. بىراق، بەكەر ءىس. تاياۋ شىعىستا بەيبىتشىلىك ورناتۋ – يلليۋزيا. تاياۋ شىعىستا ەشقاشان بەيبىتشىلىك بولماعان، بومايدى دا. سەبەبى، بارلىعى دا لەگيتيمدىلىك ءۇشىن كۇرەسۋدە.

شاتاسپاسام، اتىستى توقتاتۋ بويىنشا 27 مارتە كەلىسىم بولعان. بىردە-ءبىرى ورىندالعان جوق. جەكە باسىم، گازاداعى جاعدايدى قۇپتامايمىن. پالەستينالىقتار دا، يزرايلدىكتەر دە،باسقالارى دا جەتىستىرىپ جاتقان جوق»، - دەدى.

ال ەۋروكوميسسيا باسشىسى فون دەر لەيەن ەۋروپالىق كوميسسيا پالەستينا ءۇشىن دونورلىق توپ قۇراتىنىن ايتتى.

«ويتكەنى بولاشاق پالەستينا مەملەكەتى ومىرشەڭ بولۋى كەرەك، ونىڭ ىشىندە ەكونوميكالىق تۇرعىدان دا. ال ءبىز، ەۋروپالىقتار، گازانى قالپىنا كەلتىرۋ ءۇشىن ارنايى قۇرال جاسايمىز. گازانى قالپىنا كەلتىرۋ كەرەك»، - دەدى ەك باسشىسى بۇۇ باس اسسامبلەياسى وتىرىسىندا.

Abai.kz