وڭىرلەردىڭ باسىم بولىگىندە جىلۋ بەرۋ ماۋسىمى ۋاقتىلى باستالدى: ولجاس بەكتەنوۆ حالىقتى كومىرمەن قامتاماسىز ەتۋ ماسەلەسىن قاداعالاۋدى تاپسىردى7

پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا ەلىمىزدە جىلىتۋ ماۋسىمىنىڭ باستالۋىنا قاتىستى ماسەلەلەر تالقىلاندى. اعىمداعى جاعداي تۋرالى پرەمەر-ءمينيستردىڭ ءبىرىنشى ورىنباسارى رومان سكليار باياندادى.

بۇگىندە وڭىرلەردىڭ باسىم بولىگىندە جىلۋ بەرۋ ماۋسىمى ۋاقتىلى باستالدى. رەسپۋبليكانىڭ وڭتۇستىگىندە جىلۋ بەكىتىلگەن كەستەگە سايكەس جانە اۋا رايىنا بايلانىستى بەرىلەدى. وتكەن ۇكىمەت وتىرىسىنان بەرى 1 ەنەرگوبلوك، 10 قازاندىق، 12 تۋربينا، 29 شاقىرىم جىلۋ جەلىلەرى، 828 ەلەكتر جەلىسى جانە 16 قوسالقى ستانسا جوندەلدى. پرەمەر-مينيستر ءوڭىر اكىمدەرىنە جىلۋ بەرۋ ماۋسىمىن تىكەلەي باقىلاۋعا الۋدى تاپسىردى.

«جىلۋ كوزدەرىندەگى بارلىق جوسپارلى پارامەتردىڭ ساقتالۋىن، وتىننىڭ نورماتيۆتىك قورىن قاداعالاپ وتىرۋ قاجەت. رەزەرۆتىك جابدىقتاردىڭ ازىرلىگىن قامتاماسىز ەتىڭىزدەر. كوممۋنالدىق قىزمەتتەردىڭ جوندەۋ بريگادالارى كەز كەلگەن جاعدايعا شۇعىل ارەكەت ەتۋگە ءتيىس. سونداي-اق حالىققا ارنالعان كومىر باعاسىنىڭ تۇراقتى بولۋىن دا باقىلاۋدا ۇستاۋ قاجەت»،  — دەپ اتاپ ءوتتى ولجاس بەكتەنوۆ.

باقىلاۋ مەن ۇيلەستىرۋ – پرەمەر-ءمينيستردىڭ ءبىرىنشى ورىنباسارى رومان سكلياردا.

Abai.kz