22 قازان، استانا قالاسى، ءال-فارابي اتىنداعى وقۋشىلار سارايىندا رەسپۋبليكا كۇنى قارساڭىنا ۇيىمداستىرىلعان وزگە ەتنوس وكىلدەرى اراسىندا مەملەكەتتىك ءتىلدى ناسيحاتتاۋعا باعىتتالعان «ەلىم دەگەندەر» رەسپۋبليكالىق شىعارماشىلىق بايقاۋىنىڭ فينالدىق كەزەڭى ءوتتى.

(سۋرەت:ۇيىمداستىرۋشىلاردان الىندى )

بايقاۋدىڭ ماقساتى – مەملەكەتتىك ءتىلدىڭ ەتنوسارالىق قاتىناس ءتىلى رەتىندەگى ءرولىن كۇشەيتۋ، جاستار اراسىندا ىنتىماق پەن دوستىقتى دارىپتەۋ جانە قازاق تىلىنە دەگەن قىزىعۋشىلىقتى ارتتىرۋ.

ءىس-شاراعا ەلىمىزدىڭ بارلىق وڭىرىنەن كەلگەن 14-35 جاس ارالىعىنداعى تالانتتى جاستار قاتىسىپ، ءوز ونەرلەرىن قازاق تىلىندە كورسەتتى. قاتىسۋشىلار حالىق اندەرىن ورىنداپ، كوركەمسوز وقىپ، ەسسە جازۋ نوميناتسيالارى بويىنشا باق سىناستى. جەڭىمپازدار ارنايى ديپلومدارمەن جانە اقشالاي سىيلىقتارمەن ماراپاتتالعان ەدى.

جالپى جۇلدە قورى – 3 000 000 تەڭگە.

بايقاۋ جەڭىمپازدارى:

«حالىق اندەرىن ورىنداۋ» نوميناتسياسى بويىنشا: 1 ورىن جۇلدەگەرى

شىمكەنت قالاسىنان كەلگەن – يريسمەتوۆ اكرام باحرامۇلى. 2 ورىندى

تيتوۆا ەۆەلينا اندرەەۆنا، كوكشەتاۋ قالاسى جانە ەلوردالىق شامسۋتدينوۆ

گالىم فاريتوۆيچ يەلەندى. ال 3 ورىنداردى پەتروپاۆل قالاسىنان كەلگەن

اراكەلوۆا انگەلينا الەكساندروۆنا، كوكشەتاۋ قالاسىنان گاۆريلوۆا

ادەلينا ۆياچەسلاۆوۆنا جانە اقتوبە قالاسىنىڭ نامىسىن قورعاعان يۋرچەنكو كيريلل يگورەۆيچ يەلەندى.

«كوركەمسوز ونەرى» نوميناتسياسى بويىنشا: 1 ورىن جۇلدەگەرى

اسانوۆا مارحابا، جاركەنت قالاسى، قىزىلوردا قالاسىنان كەلگەن پاك ماريا

ۆلاديميروۆنا جانە تاراز قالاسىنان كەلگەن الەحانوۆا مۋحاببات باحىتوۆنا 2 ورىن يەگەرى اتاندى. ءوز كەزەگىندە 3 ورىنداردى قاراعاندى وبلىسىنان گوريزانوۆ ۆلاديسلاۆ ۆلاديميروۆيچ، تۇركىستان وبلىسىنان يۋنۋسمەتوۆ جاسار جانە پاۆلودار قالاسىنان ەريومەنكو كونستانتين انتونوۆيچ يەلەندى.

«ەسسە جازۋ» نوميناتسياسى بويىنشا: 1 ورىن جۇلدەگەرى پاۆلودار قالاسىنان كەلگەن راحماتۋللينا السۋ، ال 2 ورىن يەگەرلەرى: الماتى وبلىسى ۋشۋرباكيەۆا ايدا مەن جاركەنت قالاسىنان كەلگەن حاسانوۆا اينۋرا. 3 ورىندى سەتراكوۆا ۋليانا، قىزىلورلا وبلىسى، استانا قالاسىنان بوريسەنكو ەۆانگەلينا جانە گريگورەۆ الان قانجىعاسىنا بايلادى. بايقاۋ قاتىسۋشىلارىنىڭ ونەرى مەملەكەتتىك ءتىلدىڭ ەتنوسارالىق تاتۋلىق پەن بىرلىكتى نىعايتۋداعى ماڭىزىن ايقىن كورسەتتى.

ايتا كەتەيىك، «ءتىل تاعدىرى – ەل تاعدىرى» جوباسى قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن جۇزەگە اسىرىلۋدا.

Abai.kz