سەمەي قالاسىنداعى «ف.م.دوستوەۆسكيدىڭ ادەبي-مەموريالدىق مۋزەيىندە» «اۋىل» پارتياسى اباي وبلىسى بويىنشا وڭىرلىك فيليالى جانە اتالعان مۋزەي ۇجىمىنىڭ ۇيىمداستىرۋىمەن «25 – قازان رەسپۋبليكا كۇنىنە» ارنالعان ينتەللەكتۋالدىق  كۆيز-سايىسى وتكىزىلدى.

ءىس-شارا ماقساتى – جاستاردىڭ ەل تاريحى مەن مەملەكەتتىك رامىزدەرگە دەگەن قۇرمەتىن ارتتىرۋ، وتانسۇيگىشتىك سەزىمىن قالىپتاستىرۋ جانە ينتەللەكتۋالدىق وي-ءورىسىن دامىتۋ بولىپ تابىلادى. سايىسقا، الدىن الا ىرىكتەۋدەن وتكەن اباي وبلىسىنىڭ ءبىلىم وردالارىنىڭ ستۋدەنتتەرىنەن قۇرالعان كوماندالار قاتىسىپ، ءار تۋردا قازاقستاننىڭ تاريحى، مادەنيەتى، ءداستۇرى مەن تاۋەلسىزدىك جىلدارىنداعى جەتىستىكتەرگە قاتىستى سۇراقتارعا جاۋاپ بەردى. جالپى، كۆيز 5  كەزەڭنەن تۇردى.

قاتىسۋشىلار سايىس بارىسىندا، تاپقىرلىق، ۇيىمشىلدىق جانە ءبىلىم دەڭگەيىن جوعارى كورسەتتى. اسىرەسە، جاستاردىڭ تاۋەلسىزدىك تاقىرىبىنا دەگەن قىزىعۋشىلىعى مەن ىزدەنىسى ەرەكشە بايقالدى. وسى شارانىڭ ادىلقازىلار القا – مۇشەلىگىندە وبلىستىق «سەمەي تاڭى» گازەتىنىڭ ءتىلشىسى قايسا گۇلىم زامانبەكقىزى، اقىن، «اباي مۋزەيىنىڭ» عىلىمي قىزمەتكەرى ءدىلناز عالىمبەك، «ف.م.دوستوەۆسكي مۋزەيىنىڭ» عىلىمي قىزمەتكەرى ديۋسەمباەۆا روزا مانسۋروۆنا بولدى. كۆيز-سايىستىڭ تىزگىنىن وڭىرلىك فيليال وكىلى ە.ومارعاليەۆ پەن سارسەمبەكوۆا سانا امانتاەۆنا قولعا الىپ، تاعىلىمدى جۇرگىزدى. ال ۇيىمداستىرۋشىلىق جۇمىستارىنا بەلسەندىلىك تانىتقان وڭىرلىك پارتيا وكىلى ب.ەرساينا جانە ادەبي مۋزەي قىزمەتكەرلەرى. سايىستىڭ ساحنالىق كوركىن كىرگىزەر ارا-تۇرا كونتسەرتتىك  ءنومىر ۇسىنىلىپ: «امىرە قاشاۋباەۆ اتىنداعى مەملەكەتتىك فيلارمونيانىڭ» ءداستۇرلى ءانشىسى ابىلكاسىموۆا اينۋر بەيبيتحانوۆنا عيبراتتى مازمۇنداعى اسەم ءان-تەرمە سازىن قوڭىر ءۇندى دومبىرادا اۋەلەتە ورىنداپ، كوپشىلىكتى ءوز ونەرىمەن تامسانتتى.

شارا سوڭىندا، ۇزدىك ناتيجەگە جەتكەن 3 كوماندا جەڭىمپاز اتانىپ، ءى، ءىى، ءىىى ورىنداردى ءوزارا ءبولىسىپ، ارنايى ديپلومدارمەن ماراپاتتالىپ، باعالى سىيلىقتار تابىستالدى. بارلىق قاتىسۋشىلار مەن ۇيىمداستىرۋشىلار جيىلىپ ەستەلىك فوتوسۋرەتكە ءتۇسىپ، مەرەكەلىك تاماشا  كوڭىل-كۇيمەن ءتامامدالدى. قازاق ەلىنىڭ جارقىن بولاشاعى مەن رۋحاني جاڭعىرۋى جولىندا ءبىلىم مەن مادەنيەتتىڭ ماڭىزى قاشاندا ەرەكشە!

«رەسپۋبليكا كۇنى» قۇتتى بولسىن!

«اۋىل» پارتياسى اباي وبلىسى بويىنشا وڭىرلىك فيليالىنىڭ ءباسپاسوز قىزمەتى.

Abai.kz