2025 جىلعى 1 جەلتوقسانداعى جاعداي بويىنشا قازاقستانداعى بانك سەكتورىنىڭ اكتيۆتەرى 68,3 ترلن تەڭگەنى قۇرادى.  

ال حالىققا بەرىلگەن قارىز كولەمى 24,6 ترلن تەڭگەگە جەتتى، دەپ جازادى inbusiness.kz سايتى.

قارىزدىڭ نەگىزگى بولىگى تۇتىنۋشىلىق نەسيەلەرگە تيەسىلى. بۇل باعىتتاعى بەرەشەك 16,6 ترلن تەڭگە بولدى. يپوتەكالىق نەسيەلەر كولەمى 6,8 ترلن تەڭگەنى قۇرايدى.قارجى نارىعىن رەتتەۋ جانە دامىتۋ اگەنتتىگىنىڭ حابارلاۋىنشا، 2025 جىلعى قاراشا ايىنىڭ وزىندە قازاقستاندىقتارعا بەرىلگەن جاڭا قارىز كولەمى 1,6 ترلن تەڭگەگە جەتكەن.سونىمەن قاتار بانكتىك ەمەس زاڭدى تۇلعالاردىڭ ۇلتتىق ۆاليۋتاداعى مەرزىمدى دەپوزيتتەرى بويىنشا سىياقىنىڭ ورتاشا الىنعان مولشەرلەمەسى 2025 جىلعى قاراشادا 16,8%-دى، جەكە تۇلعالاردىڭ دەپوزيتتەرى بويىنشا – 14,8%-دى قۇرادى.

2025 جىلعى قاڭتار-قاراشادا بانكتەردىڭ تازا پايداسى 2,5 ترلن تەڭگەنى قۇرادى، بۇل 2024 جىلدىڭ ۇقساس كەزەڭىمەن سالىستىرعاندا 7,2%-عا ارتىق.

Abai.kz