جول قاۋىپسىزدىگىن كۇشەيتۋ ماقساتىندا "قاۋىپسىز جول" جەدەل-پروفيلاكتيكالىق ءىس-شاراسى باستالدى، دەپ حابارلايدى BAQ.KZ.

جولدارداعى اپات دەڭگەيىن تومەندەتۋ، قۇقىق بۇزۋشىلىقتاردىڭ الدىن الۋ جانە جولىن كەسۋ، جول قوزعالىسى قاۋىپسىزدىگىن قامتاماسىز ەتۋ ماقساتىندا اعىمداعى جىلدىڭ 23-25 قاڭتار ارالىعىندا رەسپۋبليكا اۋماعىندا "قاۋىپسىز جول" جەدەل-پروفيلاكتيكالىق ءىس-شارا وتەدى.

اتالعان ءىس-شارانىڭ ماقساتى — جول قوزعالىسى قاۋىپسىزدىگىن قامتاماسىز ەتۋ، قۇقىق بۇزۋشىلىقتاردىڭ الدىن الۋ جانە ەلدەگى زاڭدىلىقتى نىعايتۋ.

ءىس-شارا اياسىندا پوليتسيا قىزمەتكەرلەرى باسقا دا قۇزىرەتتى ورگاندارمەن بىرلەسىپ، ەلىمىزدىڭ جولدارىندا جول قاۋىپسىزدىگىن قامتاماسىز ەتىپ قانا قويماي، قۇقىق بۇزۋشىلىقتاردى انىقتايدى.

سونداي-اق حالىقپەن، اسىرەسە جاسوسپىرىمدەر مەن جاستارمەن ءتۇسىندىرۋ جانە الدىن الۋ جۇمىستارىن جۇرگىزەدى.

جولاۋشىلاردى تاسىمالداۋ كەزىندەگى جولدارداعى قاۋىپسىزدىكتى قامتاماسىز ەتۋگە، جالعان نەمەسە مەملەكەتتىك ءنومىرى جوق كولىكتەردى باسقاراتىن ازاماتتاردى انىقتاۋعا جانە قاۋىپتى جۇرگىزۋشىلەرگە باسىم نازار اۋدارىلادى.

سونىمەن قاتار جۇرگىزۋشىلەردىڭ جول قوزعالىسى ەرەجەلەرىن ساقتاۋىن، اۋا رايىنىڭ ناشارلاۋى كەزىندە جولعا شىعۋ كەزىندە قاۋىپسىزدىك شارالارىن ساقتاۋىن باقىلاۋ قامتاماسىز ەتىلەدى.

ىشكى ىستەر مينيسترلىگى ەلدى مەكەندەردە ازاماتتاردىڭ قاۋىپسىزدىگىن قامتاماسىز ەتۋ بويىنشا بارلىق قاجەتتى شارالاردى قابىلداپ جاتىر.

Abai.kz