«قازگيدرومەت» سينوپتيكتەرىنىڭ بولجامىنشا، 24-26 اقپان ارالىعىندا قازاقستاننىڭ باسىم بولىگىندە اۋا رايىنىڭ كۇرت سۋىتۋى كۇتىلۋدە، دەپ حابارلايدى BAQ.KZ ءتىلشىسى.

اركتيكالىق سۋىق جاقىنداپ كەلەدى

بولجامعا سايكەس، قازاقستاننىڭ باسىم بولىگىنە سولتۇستىك-باتىس سۋىق انتيتسيكلونى اسەر ەتەدى. سۋىق اركتيكالىق ماسسالاردىڭ كەلۋىمەن تەمپەراتۋرالىق فوننىڭ تومەندەۋى كۇتىلەدى.

- تەك وڭتۇستىك وبلىستاردا جاۋىن-شاشىن، كەي ۋاقىتتاردا نەگىزىنەن جاڭبىر تۇرىندەگى قاتتى جاۋىن-شاشىن بولجانادى. سونداي-اق جەل كۇشەيىپ، كوكتايعاق پەن تۇمان قۇبىلىستارى بايقالادى، - دەپ حابارلادى سينوپتيكتەر.

تۇنگى ۋاقىتتا قازاقستاننىڭ باتىس وبلىستارىندا اۋا تەمپەراتۋراسى 15-25 ايازدى، ەلدىڭ سولتۇستىگىندە، ورتالىعىندا 28-37 ايازعا دەيىن، شىعىسىندا 32-40 ايازعا دەيىن، وڭتۇستىك وبلىستاردا 0-10 اياز بولۋى ىقتيمال.

Abai.kz