وسى كۇزدە قازاقستاندا Astana AI Film Festival (AAIFF 2026) – جاساندى ينتەللەكت كومەگىمەن جاسالعان فيلمدەرگە ارنالعان العاشقى حالىقارالىق فەستيۆالدەردىڭ ءبىرى وتەدى.

فەستيۆال اۆتورلاردى، digital-كرەاتورلاردى، ساراپشىلاردى، ينۆەستورلاردى جانە تەحنولوگيالىق كومپانيالاردىڭ وكىلدەرىن بىرىكتىرءىپ، كينو مەن AI-تەحنولوگيالاردىڭ توعىسىنداعى جوبالارعا ارنالعان الاڭعا اينالادى.  

نەگىزگى وقيعا $1 ملن جۇلدە قورى بار قىسقامەتراجدى فيلمدەردىڭ حالىقارالىق بايقاۋى بولماق. فەستيۆال ءارتۇرلى ەلدەردەن قاتىسۋشىلاردى تارتۋعا باعىتتالعان.

باعدارلاما اياسىندا AI-كونتەنتكە ارنالعان كونفەرەنتسيا، اۆتورلار مەن پروديۋسەرلەرگە ارنالعان پيتچ-سەسسيالار، كورسەتىلىمدەر مەن ساراپشىلاردىڭ قاتىسۋىمەن پىكىرتالاستارجوسپارلانعان.

Astana AI Film Festival كونتەنت پەن كينو جاساۋدىڭ بارلىق كەزەڭدەرىن قامتيدى. اسىرەسە گيبريدتى جوبالاردى قوسا العاندا، جاڭا فورماتتارعا ەرەكشە نازار اۋدارىلادى.

فەستيۆال تاجىريبە الماسۋ مەن كونتەنت يندۋسترياسىنداعى جاڭا باعىتتاردى دامىتۋعا ارنالعان ماڭىزدى الاڭعا اينالادى دەپ كۇتىلۋدە.

باعدارلاما جانە قاتىسۋ شارتتارى تۋرالى قوسىمشا اقپارات فەستيۆالدىڭ رەسمي سايتىندا جاريالانادى.

Abai.kz