قازاقستاننىڭ ءتورت ءوڭىرى بيىل ەگىستىككە قاجەت سۋدان تارشىلىق كورۋى مۇمكىن، دەپ جازادى ازاتتىق راديوسى.

سۋ رەسۋرستارى ءمينيسترى نۇرجان نۇرجىگىتوۆتىڭ ايتۋىنشا، سىرداريا، شۋ جانە تالاس وزەندەرى باسسەيندەرىندە سۋ ادەتتەگىدەن از بولۋى مۇمكىن. اسىرەسە قىزىلوردا، تۇركىستان، جامبىل جانە الماتى وبلىستارى سۋدان تارشىلىق كورۋى ىقتيمال.

مينيسترلىك مالىمەتىنشە، بيىلعى جاعدايعا 2025 جىلعى قۋاڭشىلىق اسەر ەتىپ وتىر. سىرداريا باسسەينىندەگى كورشى ەلدەردەگى سۋ قويمالارىندا بىلتىرعىمەن سالىستىرعاندا 1,6 ملرد تەكشە مەترگە از سۋ جينالعان.

سوعان قاراماستان، مينيسترلىك ەلدىڭ وڭتۇستىگىندەگى سۋ قويمالارىنداعى جالپى جاعداي تۇراقتى دەپ وتىر. 5 مامىرداعى دەرەك بويىنشا، وندا 26,2 ملرد تەكشە مەتر سۋ جينالعان.

سۋ پايدالانۋ ءليميتى قىزىلوردا وبلىسى ءۇشىن 3,2 ملرد، تۇركىستان وبلىسى ءۇشىن 3,8 ملرد تەكشە مەتر بولىپ بەلگىلەنگەن.

Abai.kz