سەنبى, 28 قىركۇيەك 2024
قوعام 11803 0 پىكىر 7 ماۋسىم, 2016 ساعات 10:51

قازاقستاننىڭ بىتپەس دەرتى ۆاححابيزم بولۋى مۇمكىن

قازاقستاننىڭ ەندىگى بىتپەس دەرتى — ۆاححابيزم بولۋى مۇمكىن... 
الەمدىك ساراپشىلار 2017 جىلى ورتا ازيادا دايش لاڭكەستىك ۇيىمىنىڭ ۇياشىقتارى جانداناتىنىن ايتقالى ءبىراز بولدى. اسىرەسە، ولاردى ىشتەي قولداپ، تىلەكتەس بولىپ كەلە جاتقان (الدى، ءتىپتى، سيرياعا كەتتى) ۋاححابيزم استاۋىنان جەم جەيتىن نەوسالافيزم قازاقستاندا گۇلدەنىپ تۇر. ولاردىڭ تاكپىرشىلەرى وسىنداي قانقۇيلى ارەكەتىن جاساپ جاتسا، ماتحاليتتەرى بيلىكتىڭ ءتۇرلى بۇتاقتارىندا سايراپ، جۋرناليست، بلوگەر، اقىن، ت.ب جۇمىس جۇرگىزىپ كەشەگى قىرعىن جاساۋشىلارعا ىشتەن تىلەۋلەستىگىن ءبىلدىرىپ وتىر.
وتكەندە جەرگە قاتىستى سالافيلەردىڭ ماتحاليت توبى جارعاق قۇلاقتارى جاستىققا تيمەي «ەل تىنىشتىعى» دەپ ءبىر-ءبىرىنىڭ اۋزىنا تۇكىرگەندەي سايراپ ەدى، ەندى ەلدىڭ تىنىشتىعى كەتىپ ەدى ءۇن-ءتۇنسىز...
حالىق سالت-ءداستۇر مەن تاريحىڭدى مانسۇقتايتىن، قوي تەرىسىن جامىلعان ۆاححابيستەردەن ابدەن جالىقتى. ەرقاشتى بولدى. ونى سوڭعى جەر ماسەلەسىندە انىق كوردىك. جۇرت كىمنىڭ كىم ەكەنىن ناقتى بىلەدى. بيلىكتە كىم وتىرعانىن، پارلامەنتتە كىم وتىرعانىن، قانشا اقىن، قانشا جۋرناليست، (مەملەكتتىك ارنالار مەن باسىلىمداردا دا بار) قانشا بلوگەر، قانشا ءانشى مەن ت.ب. ادامداردىڭ وسى ءدىن اتىن جامىلعان ساياسي يدەولوگيانى ۇستاناتىنىن بەس ساۋساقتاي بىلەدى. 
قازاقستان سالافيتتەرى ءوزىنىڭ يدەولوگياسىن جاساپ الدى، اقپاراتتىق ناسيحاتتى شەبەر مەڭگەرگەن. سايتتارى بار، تەلەارناسى بار. الەۋمەتتىك جەلىلەر ارقىلى ۇيىمداسقان تۇردە جۇمىس ىستەيدى. بىرەۋ تۋرالى پىكىر جازساڭ شيبورىدەي تالاپ جەۋگە دايىن. بىرەۋ ءبىر پوست جازسا، وزگەلەرى جانتالاسا لايك باسىپ، توقتاۋسىز بولىسە جونەلەدى. 
«يسلام مەملەكەتى» دەپ وزدەرىنە ايدار تاققان اتىشۋلى ۇيىمعا تىلەۋلەس توپتاردىڭ قازاقستانداعى ليدەرسىماقتارى ءالى تايراڭداپ ءجۇر... 
نەگە باتىستا اتىس بولدى؟ وسى تۇستا دايش لاڭكەستىك ۇيىمى سيريا مەن يراكتاعى ماڭىزدى مۇناي قورلارىن قولدارىنا الىپ، ونداعى شيكىزاتتاردى زاڭسىز جولمەن ساتىپ، اقشا تاۋىپ وتىرعانىن ەش ۇمىتپاۋىمىز كەرەك. 
ءبىر نارسە انىق، بۇلاردىڭ جۇرەگى قازاق، قازاقستان دەپ سوقپايدى، بۇلار وزدەرىنىڭ يەلەرىنە قاراپ ۇلىپ وتىر، دايش-تىڭ تەزىرەك كەلگەنىن قالايدى. 
ءبىزدىڭ وتانىمىز وسى جەر — قازاقستان، تىنىشتىق كەرەك. ولار ەرتەڭ ءبىر-اق كۇندە ار جاققا تايىپ تۇرادى. 
ايتپاقشى، اۋعانستانداعى تاليبان ۇيىمىن ىعىستىرىپ، ورىنىن باسىپ ورتا ازيادا ۇكىمىن جۇرگىزۋدى كوزدەپ وتىرعان دايش استىرتىن جۇمىسىن كۇشەيتتى. ولاردىڭ ءاربىر مۇشەسىنە تولەنەتىن ايىلىعى ورتاشا 400 دوللار بولسا، بىلتىر ونى ارتتىردى دەگەن مالىمەتتەر تارادى. 
بىزدە قانشاما ادام جۇمىسسىز جۇرسە دە ولار دوڭكيگەن دجيپ ءمىنىپ، ءۇش-ءتورت ايەل قۇشىپ، شالقىپ ءومىر سۇرۋدە... 
جالپى سالافيتتىككە قاتىسى بار بيلىكتە وتىرعان، وزگە دە وسى توپتىڭ وسىنداعى ۇيىم ليدەرلەرىنىڭ دۇنيە-مۇلىكتى قايدان الىپ وتىرعانىن قۇزىرەتتى ورگاندار جەدەل تۇردە مۇقيات تەكسەرۋ كەرەك.
بۇلارعا شەتەلدەن اعىپ كەلىپ جاتقان قارجى اعىمى بار. بۇلاردى قۇتىرتىپ وتىرعان دا سول ىرعىن اقشا...
وكىنىشىستىسى، وسى تاقىرىپتى بىلەتىن بىردە ءبىر بىلىكتى مامان جوق
ەل تىنىش بولسىن...

رەداكتسيادان: شاعىن ماقالادا ايتىلعان ويلار مەن بايلامدار اۆتوردىڭ جەكە كوزقاراسى بولىپ تابىلاتىنىن ەسكەرتەمىز. 

داۋلەتكەرەي كاپۇلى، اقىن

abai.kz

0 پىكىر