كۇنى كەشە «ستراتەگيا 2030: تۇراقتى دامۋعا جول» اتتى جيىندا انگليانىڭ بيزنەس جانە ينوۆاتسيا ءمينيسترى پيتەر مەندەلسون: «قازاقستان ءۇشىن  دسۇ-عا كىرۋ جونىندەگى كەلىسسوزدەردى جىلدامداتۋ مەن وعان ەنۋ فورماسى جونىندەگى جۇمىستاردا تىيىم (ۆەتو) قۇقىعىن رەسەيگە بەرۋى ورىنسىز شىعار»، دەپ ويىن ورتاعا سالعان. پيتەر مەندەلسون مۇنىمەن شەكتەلمەي بۇرىن دۇنيەجۇزىلىك ساۋدا ۇيىمىنا كىرۋگە بايلانىستى جۇمىستا قازاقستان الدا بولعان بولسا، سوڭعى كەزدە رەسەيدىڭ بۇل باعىتتا دۇرىس جولعا ءتۇسىپ، العا شىققانىن ايتقان. بريتانيالىق مينيستر قازاقستان وكىنىشكە قاراي، دسۇ-عا ەنۋدىڭ باسقاشا جولى قاراستىرىپ، رەسەي، بەلورۋسسيامەن كەدەندىك وداققا ەنگەنىن قىنجىلا جەتكىزىپ، كەدەندىك وداقتىڭ ومىرشەڭدىگى تۋرالى ەشنارسە ايتا المايمىن دەپ بايلام جاساعان. ءدال وسى جەردە جينالىستى جۇرگىزىپ وتىرعان رەسەيلىك سبەربانكتىڭ باسقارما توراعاسى  گەرمان گرەف بريتانيالىق مينيسترگە تىيىمنىڭ رەسەيدىڭ قولىندا بولعانى ۇناماي وتىرعانىن ايتىپ شاپتىعا مىنەز كورسەتىپ،   «تىيىم قۇقىعىن كىمگە بەرگىسى كەلەتىنىن قازاقستاننىڭ وزىنە قالدىرايىق، ەڭ دۇرىسى تىيىم قۇقىعىن قازاقستان وزدەرىندە قالدىرعانى ءجون بولار ەدى» دەپ بارىپ ءبىر-اق توقتاپتى.

كۇنى كەشە «ستراتەگيا 2030: تۇراقتى دامۋعا جول» اتتى جيىندا انگليانىڭ بيزنەس جانە ينوۆاتسيا ءمينيسترى پيتەر مەندەلسون: «قازاقستان ءۇشىن  دسۇ-عا كىرۋ جونىندەگى كەلىسسوزدەردى جىلدامداتۋ مەن وعان ەنۋ فورماسى جونىندەگى جۇمىستاردا تىيىم (ۆەتو) قۇقىعىن رەسەيگە بەرۋى ورىنسىز شىعار»، دەپ ويىن ورتاعا سالعان. پيتەر مەندەلسون مۇنىمەن شەكتەلمەي بۇرىن دۇنيەجۇزىلىك ساۋدا ۇيىمىنا كىرۋگە بايلانىستى جۇمىستا قازاقستان الدا بولعان بولسا، سوڭعى كەزدە رەسەيدىڭ بۇل باعىتتا دۇرىس جولعا ءتۇسىپ، العا شىققانىن ايتقان. بريتانيالىق مينيستر قازاقستان وكىنىشكە قاراي، دسۇ-عا ەنۋدىڭ باسقاشا جولى قاراستىرىپ، رەسەي، بەلورۋسسيامەن كەدەندىك وداققا ەنگەنىن قىنجىلا جەتكىزىپ، كەدەندىك وداقتىڭ ومىرشەڭدىگى تۋرالى ەشنارسە ايتا المايمىن دەپ بايلام جاساعان. ءدال وسى جەردە جينالىستى جۇرگىزىپ وتىرعان رەسەيلىك سبەربانكتىڭ باسقارما توراعاسى  گەرمان گرەف بريتانيالىق مينيسترگە تىيىمنىڭ رەسەيدىڭ قولىندا بولعانى ۇناماي وتىرعانىن ايتىپ شاپتىعا مىنەز كورسەتىپ،   «تىيىم قۇقىعىن كىمگە بەرگىسى كەلەتىنىن قازاقستاننىڭ وزىنە قالدىرايىق، ەڭ دۇرىسى تىيىم قۇقىعىن قازاقستان وزدەرىندە قالدىرعانى ءجون بولار ەدى» دەپ بارىپ ءبىر-اق توقتاپتى.
ال، ءبىزدىڭ جاقتان ەشكىم اۋىز اشپاعان كورىنەدى. ءاۋ دەي قالسا، قازتاگ تاراتقان اقپاراتقا ەنەر ەدى. ارينە، مۇنداي ماسەلەلەردە ءبىزدىڭ ەلدە ءبىر ادامنىڭ كەلىسىمىنسىز ءوز بەتىڭمەن پىكىر ايتۋ قيىن. مەيلى، ول ەل ەكونوميكاسىنا ءتيىمدى بولعان كۇننىڭ وزىندە. كەدەندىك وداقتا باستارى توقايلاسقان ءۇش ەلدىڭ ءبىرى رەسەيدىڭ دسۇ-عا ەنۋ جولىنداعى جۇمىس قارقىنى ءبىزدىڭ ەلدەن باسىم بولعانىنا قاراپ، كەدەندىك وداق ەكونوميكانىڭ اياعىنا تۇسكەن تۇساۋ بولماي قايتسىن دەپ شۋلاعان جۇرتتىڭ ءسوزى بەكەر ەمەس سياقتى. بىراق، ەلدىڭ سوزىنە قۇلاق اسقان بيلىكتىڭ قاي وكىلىن كوردىڭىز. ەندى، كەلىپ، دسۇ-عا بارار جولدى قىسقارتىپ، كورشى ەلدىڭ قارقىنىنا قاراپ وتىرعان ءتۇرىمىز مىناۋ، تىيىم اناۋ وزگەنىڭ قولىندا ويىنشىققا اينالعان. ءبىز ءۇشىن بىرەۋلەر قالاعانىن ىستەپ، تىيىمنىڭ تاڭباسىن قورجىنىنا سالىپ الىپ شاپقىلاپ بارادى دسۇ-عا قاراي. ءۇش ەلدىڭ اۋماعىنداعى تار ەكونوميكالىق كەڭىستىكتى تاڭداپ العان ءبىز بولساق تاعدىرىمىزعا «ءمازبىز».
سوندا قازاقستاننىڭ دۇنيەجۇزىلىك ساۋدا ۇيىمىنا  كىرۋىن ەندى رەسەي شەشە مە؟! تىيىمدى رەسەيگە بەرگەن قازاقستاننىڭ ەكونوميكالىق تاعدىرى ەندى بولماق؟! وعان ەكونوميكا مەن قارجى سالاسىنداعى رەسەيدىڭ كۇن سايىن ارتىپ كەلە جاتقان ىقپالىن قوسىڭىز. قۇداي بەتىن ءارى قىلسىن، بىراق الگى كەدەندىك وداققا قارسى شىققان توپتىڭ ايتقانى ايداي بولىپ الدىمىزعا كەلمەسىن. جانە ونىڭ كەلمەسىنە كىم كەپىل!..
ايتپاقشى، پرەمەر-ءمينيستردىڭ ورىنباسارى ورىنباەۆ دۇنيەجۇزىلىك بانك پەن حالىقارالىق ۆاليۋتا قورىنىڭ باسشىلارىنا 2015 جىلعى اتالعان ۇيىمداردىڭ جىلدىق جينالىسىن استانادا وتكىزۋ تۋرالى ءوتىنىشتى تابىستاعان. قازاقستاننىڭ دسۇ-عا باراتىن جولى تۋرالى ەكى ەل سەركەسىنىڭ ءسۇزىسىپ وتىرعانى اناۋ، ال ءبىزدىڭ ۇكىمەت بولسا قوناق شاقىرىپ اۋرە.

«اباي-اقپارات»