قازىرگى مەملەكەتتىك ساياساتتىڭ نەگىزگى باعىتى - اۋىل شارۋاشىلىعى سالاسىن دامىتۋ. وسىعان وراي مەملەكەت تاراپىنان سالاعا كورسەتىلەتىن كومەكتىڭ مولشەرى جىلدان-جىلعا ارتىپ وتىر. وتكەن جىلى اۋدان بويىنشا 15 مىڭ 660 گەكتار القاپقا ەگىن ەگىلىپ ەدى. الايدا قۋاڭشىلىققا بايلانىستى ول كۇيىپ كەتتى. دەگەنمەن ەگىس «اليانس پوليس» ساقتاندىرۋ كومپانياسىمەن ساقتاندىرىلعاندىقتان، شارۋا قوجالىقتارى جالپى سوماسى 33 ميلليون 58 مىڭ تەڭگە مولشەرىندە ساقتاندىرۋ تولەمدەرىن الدى.

قازىرگى مەملەكەتتىك ساياساتتىڭ نەگىزگى باعىتى - اۋىل شارۋاشىلىعى سالاسىن دامىتۋ. وسىعان وراي مەملەكەت تاراپىنان سالاعا كورسەتىلەتىن كومەكتىڭ مولشەرى جىلدان-جىلعا ارتىپ وتىر. وتكەن جىلى اۋدان بويىنشا 15 مىڭ 660 گەكتار القاپقا ەگىن ەگىلىپ ەدى. الايدا قۋاڭشىلىققا بايلانىستى ول كۇيىپ كەتتى. دەگەنمەن ەگىس «اليانس پوليس» ساقتاندىرۋ كومپانياسىمەن ساقتاندىرىلعاندىقتان، شارۋا قوجالىقتارى جالپى سوماسى 33 ميلليون 58 مىڭ تەڭگە مولشەرىندە ساقتاندىرۋ تولەمدەرىن الدى.

باۋ-باقشا سالۋدا دا ناتيجەلى جۇمىستار بار. اتاپ ايتقاندا، ەرتە كوكتەمنەن ون ەكى باۋ-باقشا نۇكتەسى بەلگىلەنىپ، كولەمى قىرىق ءبىر گەكتاردى قۇرادى. باقشا وسىرۋشىلەردىڭ كوپشىلىگىنىڭ القابى ب.سابانوۆ شارۋا قوجالىعىنىڭ شەتەلدىك «دجون دير» تەحنيكاسىمەن وڭدەلگەن بولسا، ۇزىنكول، تالوۆ جانە جاقسىباي اۋىلىنىڭ باعباندارىنا بيۋدجەتتەن سۋ سورعىشتارى الىنىپ بەرىلدى. باۋ-باقشا سالۋشىلارمەن ارادا ونىمدەرىنىڭ ون پايىزىن جەرگىلىكتى حالىققا ارزانداتىلعان باعامەن ساتۋعا كەلىسىلگەن تورتجاقتى مەموراندۋمعا قول قويىلدى. وسىنداي يگى ىستەردىڭ ارقاسىندا حالىق اۋدان ورتالىعىندا وتكەن اۋىل شارۋاشىلىعى جارمەڭكەلەرىندە ەكولوگيالىق جاعىنان تازا دا ساپالى جانە قولجەتىمدى باعاعا باۋ-باقشا ونىمدەرىن ساتىپ الدى. تالوۆ، قامىستى، تاۋ اۋىلدارىنداعى باقشالار ۇقىپتى، تياناقتى كۇتىمگە الىنسا، اقوبا، جاقسىبايدا ءونىم مول شىعىپ، جارمەڭكەدەگى ساۋدا سورەلەرىن ۇدايى تولىقتىرىپ وتىردى. ءتىپتى كورشىلەس بوكەي ورداسى اۋدانىنىڭ بيسەن، مۇراتساي اۋىلدارىنان بىزگە كەلگەن تۇتىنۋشىلار كوپ بولدى.

بيىل دا وسى قارقىننان تايماي جۇمىس جاساۋ قاجەت. ول ءۇشىن قامىستى اۋىلدىق وكرۋگىندەگىدەي تامشىلاتا سۋارۋ ادىسىنە جاپپاي كوشكەن ءتيىمدى. وسى ورايدا ورالداعى «اگرورەمماش» زاۋىتىمەن كەلىسىلدى. سوندىقتان قاراجاتى بارلار وسى باستان وتىنىشتەرىن بەرۋى كەرەك. سەبەبى زاۋىت قۇرىلعىلاردى قانداي باقشا داقىلىنىڭ ەگىلەتىنىنە قاراي جيناقتايدى. سونداي-اق قۇرىلعىنى «باتىساگروسەرۆيس» ارقىلى ليزينگ پەن نەسيەگە الۋعا دا مۇمكىندىك بار. بۇعان الۋشىنىڭ قارجىسى، كەپىلدىگى نەمەسە ەكىنشى دەڭگەيدەگى بانكتەردىڭ كەپىلدىگى كەرەك.

مال شارۋاشىلىعىنداعى تاعى ءبىر باستى ماقسات - مال تۇقىمىن اسىلداندىرۋ، ءىرى تاۋار وندىرۋشىلەردىڭ جۇمىسىن قاداعالاپ، سانىن كوبەيتىپ، كومەكقارجى الۋىنا ىقپال ەتۋ. وسىعان وراي وتكەن جىلى تالاي جۇمىستار اتقارىلىپ، اۋدان بويىنشا ءىرى ون ءبىر شارۋاشىلىق مال ازىعىن دايىنداۋعا بەرىلەتىن كومەكقارجىعا قول جەتكىزدى. ونىڭ جالپى سوماسى - 3645498 تەڭگە. اۋدانداعى بىردەن-ءبىر تۇقىم شارۋاشىلىعى بولىپ تابىلاتىن «قايرات» جشس-نا ساپالى تۇقىم دايىنداپ ساتقانى ءۇشىن 776 مىڭ تەڭگە كومەكقارجى تولەنگەن. اعىمداعى جىلى دا مۇنداي شارۋاشىلىقتاردىڭ سانىن كوبەيتۋ قاجەت. جاقسىباي، كۇيگەنكول اۋىلدىق وكرۋگتەرىندە مالى ءالى سۇرىپتالماعان شارۋاشىلىقتار بار. ونى ارنايى قۇرىلعان كوميسسيا تەكسەرمەك. ال اسىلداندىرۋ جۇمىستارىنا ءازىر بىردەن-ءبىر ۇجىم - «الەم» شارۋا قوجالىعى. قوجالىق وتكەن جىلى بورداقىلاۋداعى مالدان وتىز توننا ساپالى ەت تاپسىرسا، بيىل 300 باس ءىرى قارانى بورداقىلاۋعا قويىپ، كەم دەگەندە جەتپىس توننا ساپالى ەت دايىنداۋعا تاپسىرىس بەرىپ وتىر. مال شارۋاشىلىعىندا جۇزەگە اسىرىلعان سوڭعى تالاپتىڭ ءبىرى قر ۇكىمەتىنىڭ 2009 جىلدىڭ 4 قاراشاسىنداعى №1754 قاۋلىسىنا سايكەس ساتۋعا شىعارىلاتىن جانۋارلاردى ارنايى بەلگىلەنگەن ورىندا سويۋ. وسىعان بايلانىستى مال سوياتىن التى الاڭ اشىلدى. ولار وبلىس ورتالىعىنان ارنايى رۇقسات الىپ، جۇمىستارىنا كىرىستى.

ەلباسى بيىلعى جولداۋىندا: «بۇل كۇردەلى مىندەتتى اگرارلىق-يندۋستريالىق ءارتاراپتاندىرۋ عانا، ياعني اۋىل شارۋاشىلىعى شيكىزاتىن قايتا وڭدەۋدى شۇعىل ارتتىرۋ، جاڭا قۇرال-جابدىقتار، جاڭا تەحنولوگيالار مەن اۋىل شارۋاشىلىعىنداعى جاڭا كوزقاراس شەشە الاتىن جاعدايدا. الەمدىك تاجىريبەنى پايدالانۋ، ونى ءبىزدىڭ اۋىل شارۋاشىلىعىمىزعا جەدەل ەندىرۋ كەرەك»، - دەگەن بولاتىن. دەمەك، كەلەشەكتە دە ازىق-تۇلىك قاۋىپسىزدىگىن قامتاماسىز ەتۋ ماقساتىندا اۋىل شارۋاشىلىعى كەشەنىن ودان ءارى دامىتۋعا كۇش سالۋىمىز كەرەك.

ابزال قاراتاەۆ