قيسىق مىلتىق كورسە لىپ ەتىپ سۋعا سۇڭگيتىن قاسقالداق سياقتى تەگىمىزگە تارتقان كەڭپەيىل مىنەزىمىز كىنامشىل بولىپ بارادى. ەرتەدە ءبىر بي « ۇلكەندى كىشىلەر سىيلاماعانعا نەگە جازا جوق» دەگەن سۇراققا بىردەن جاۋاپ بەرە الماي ويلانىپ بارىپ:  - بۇرىنعىلاردىڭ زاڭدارىندا ونداي جازا بولماعانى - ونداي ورەسكەلدىك پەن  ادەپسىزدىك  بولماعاندىعىنان بولۋ كەرەك دەگەن ەكەن.  اقساقال اتاۋلىنى ءبىر كوگەنگە كوگەندەپ جالپىلاما كىربىڭ ءسوز ايتاتىن   كۇلدىك قوپسىتۋشىلار قاراسى كورىنىپ جاتىر.

اعا بۋىنعا وكپە ارتۋ ىزگى ءجون-جوسىقتى ۇعىندىرار دەپ دامەتكەن كەيبىر زيالى قاۋىم وكىلدەرىنىڭ ەستيارلىق جاساي الماعاندىعىنان دا بولار.  جىبەك توزسا جابۋعا دا جارامايدى دەگەن. ۋاقىتى وزعان، ءتانى توزعان  ۇلكەندەردى كونە سوزىنەن وزبادى دەپ، لاپىلداپ لاۋلاپ جانبادى دەپ سوگۋگە بولماس. ۇلكەندەردىڭ   جىلىمشىلاپ ايتقان سىرعاق سوزدەرى مەن قول سۇيگەن ەرسىلىگىن  اقىلمەن سارالاپ،  ارشىپ الا بىلگەن   جاراسىمدى . ەستىلىك پەن ەسەرلىك جاسقا دا، جاسىمىسقا دا ورتاق پەندىشىلىك.

قيسىق مىلتىق كورسە لىپ ەتىپ سۋعا سۇڭگيتىن قاسقالداق سياقتى تەگىمىزگە تارتقان كەڭپەيىل مىنەزىمىز كىنامشىل بولىپ بارادى. ەرتەدە ءبىر بي « ۇلكەندى كىشىلەر سىيلاماعانعا نەگە جازا جوق» دەگەن سۇراققا بىردەن جاۋاپ بەرە الماي ويلانىپ بارىپ:  - بۇرىنعىلاردىڭ زاڭدارىندا ونداي جازا بولماعانى - ونداي ورەسكەلدىك پەن  ادەپسىزدىك  بولماعاندىعىنان بولۋ كەرەك دەگەن ەكەن.  اقساقال اتاۋلىنى ءبىر كوگەنگە كوگەندەپ جالپىلاما كىربىڭ ءسوز ايتاتىن   كۇلدىك قوپسىتۋشىلار قاراسى كورىنىپ جاتىر.

اعا بۋىنعا وكپە ارتۋ ىزگى ءجون-جوسىقتى ۇعىندىرار دەپ دامەتكەن كەيبىر زيالى قاۋىم وكىلدەرىنىڭ ەستيارلىق جاساي الماعاندىعىنان دا بولار.  جىبەك توزسا جابۋعا دا جارامايدى دەگەن. ۋاقىتى وزعان، ءتانى توزعان  ۇلكەندەردى كونە سوزىنەن وزبادى دەپ، لاپىلداپ لاۋلاپ جانبادى دەپ سوگۋگە بولماس. ۇلكەندەردىڭ   جىلىمشىلاپ ايتقان سىرعاق سوزدەرى مەن قول سۇيگەن ەرسىلىگىن  اقىلمەن سارالاپ،  ارشىپ الا بىلگەن   جاراسىمدى . ەستىلىك پەن ەسەرلىك جاسقا دا، جاسىمىسقا دا ورتاق پەندىشىلىك.

ازات ەل اتانىپ،  ەركىندىككە ەكپىندەي ۇمتىلساق تا تىكەنەك ۇستىندە جالاڭاياق جۇرگەندەي جايسىزدىقتار بولىپ جاتىر.. كەشەگى «ءيتىڭ جامان» دەگەنگە قورلاناتىن اقساقالدارىمىز  تورەلىگىن  ايتىپ، ءجون-جوسىعىن ۇعىندىرا الاتىن كۇيدە ەمەس.. سودان بولۋ كەرەك بولدىم، تولدىم دەپ جۇرگەن ءبىلىمىدى دە قارىمدى جاستارىمىز  ۇلكەندەردىڭ كۇيبىڭ تىرلىگىنە دە  كۇمانمەن قاراي باستادى.. بيىككە ۇشقىڭ كەلسە  ابايلاپ قونۋدى ۇيرەن دەگەن بار. توبەسى كوككە جەتسە دە تابانىڭ جەردە ەكەنىن ۇمىتىپ، اعا بۋىن وكىلدەرىن قالاي دەگەندە دە يت جىرتقان تەرىدەي  قىلۋ   بىلگىرلىك ەمەس. سۋىن ىشكەن بۇلاققا تاس اتپا دەگەن بار. ورەڭ جەتەر  ايتارىڭ مەن اقىلعا سىيىمدى ويلارىڭ بولىپ جاتسا ساقالعا جارماسپاي-اق ايتا بىلگەن دۇرىس بولار  ەدى.

ۇرپاق كەلەر، ۇلاعات ىزدەر دەپ، وتكەندى -ونەگە ساناپ، بۇگىنىمىز - ءىس-ارەكەت، ەرتەڭىمىز - ارمان بولاتىنداي قالىپتى تىرشىلىكتى جوقتايتىن  اقساقال اعالار جوق ەمەس.  ولاردىڭ  قادامى قىسقا، ءورىسى تار بولسا، تورگە شىعىپ تورەلىك ايتار قاۋقارى قايدان بولسىن.  تەرەڭ بولساق دەمەي، تەلەگەي بولساق دەپ، قۋلىعىن قۇرال ەتىپ جىقپىلدان دۇنيە جيعان  تەكسىزدەردىڭ  توپاستىعىن وتباسىندا وتىرىپ مىنەگەننەن باسقا قىلار امالى جوق.  الارىنان ايرىلسا دا ايتارىن جىبەرمەيتىن قىردىڭ قىراعى ويلى اعا بۋىن قارتتار ءالى دە بار.  ولار قىزا-قىزا كەلگەندە ۇسقىنسىزداردىڭ تەكتىگى مەن بەكتىگىنە قاراماي توپىرلاتا سىباپ الاتىن قازاقى مىنەزىنەن ارىلا قويعان جوق. قامشىدان باسقا قارۋ ۇستاماعان قوي مىنەزدى مومىن بولىپ كورىنسە دە اينالاسىن ارامداپ جۇرگەن اينالاسىنداعى جەتەسىزدەرگە جەكىرىپ، ادۋىن مىنەز كورسەتەتىندەرى دە بار.. ويى تاۋەلسىز، ەركى ازات بولۋىن ارتىق ساناعان ولار باسىن بۇتاعا تىقپاي، موينىنا قامىت سالدىرماي وتكەن اساۋلىعىن دا جوعالتقان جوق. بۇگىنگى تىرلىككە ەندەپ كىرىپ العان ەكىجۇزدىلىك، مانساپقورلىق، دۇنيەقوڭىزدىققا   جاتسىنا قارايدى.  نارىقتىڭ الاباجاق شاپانىن جامىلىپ العاندار ءوز جۇرتىن  توناپ، وگەيلىك جاساۋ  ار قىلى  اعايىن سىيلاستىعى مەن اتا ءداستۇرىن اياق استى ەتكەنىنە نارازى..  زاڭسىزدىقتى زاڭىنا اينالدىرىپ   اباي ايتقان قيقىمدىقتان دا  ءارى ۇساقتالىپ، قوقىم بولىپ قۇنسىزدانا باستاعان تىزگىن ۇستاعانداردى كورىپ  قينالادى.  ەركىندىك العان كەزەڭدە ەسكى سوقپاقپەن جۇرە بەرەتىن بۇگىنگى الىمدىلاردىڭ كونبىستىلىگىنەن ارىلا الماعانىنا رەنجيدى.  ءوزى كەلگەن تاۋەلسىزدىكتى وڭ اياعىنان  ورنىقتى ەتىپ تۇرعىزا الار توتە جول تاباتىن ازاماتتارىن ىزدەيدى.

ازشىلىقتىڭ تىلەگىن ەمەس، قوعامنىڭ بارشا  مۇشەلەرىنىڭ مۇددەلەرى قورعالاتىن زاڭ مەن ءتارتىپ ۇستەمدىك ەتسە دەيدى.. ءوز بيىگىن، ءوز مۇمكىندىگىن ەلى ءۇشىن جۇمساي بىلەتىن بىلىكتىلەرىمىز بيىككە شىعىپ،  تەگىنمەن، دامسىزبەن قورەكتەنەتىن دۇمشەلەر ەڭىستىكتەگى ورنىنا قويىلسا دەيدى..  بيلىكتەگىلەر بايلىقتا كۇنا اتاۋلىدان قۇتقاراتىن قاسيەت جوقتىعىن ءبىلىپ، ءوزى كورگەن قىزىقتى وزگەلەردەن قىزعانبايتىن، بارلىعىنا دا بولسىن، كەمىسى تولسىن دەي الاتىن كەڭ پەيىلدىك تانىتا السا دەيدى.

ادام - وتكىنشى، ادامزات - ماڭگىلىك. وسى ماڭگىلىكتىڭ  تۋ باسىندا ءاردايىم كۇننىڭ شۋاعىنداي تەگىن، اقىسىز-پۇلسىز اتالارىمىزدىڭ امانات-وسيەتى تۇرعانى ابزال بولار ەدى.  ءومىر اعىمى تارازىسىنان ءوتىپ سارالانعان - عيبرات، ونەگە، تەكتىلىك سولاردان قالعان. بۇگىنگى ەستيارلارىمىزدىڭ  ءىسى مەن ايتقاندارىنىڭ ءبارى اقىل، ونەگە بولا بەرەتىندەي بولماي تۇرعانى بەلگىلى جاي..   كەيبىرى كۇنكورىس قامىن  كۇيتتەپ جۇرسە، قايسىبىرى  اتاق  الۋشىلار قاتارىندا قازديىپ تۇرعاندى قالايدى..  سوندىقتان بولار،  ولارعا دا وكپە جۇرمەيتىن بولدى.

ساكەن  بوزاەۆ، اتىراۋ وبلىسى، قۇلسارى قالاسى.

«اباي-اقپارات»