ەلباسى ۇندەۋىنىڭ ءۇشىنشى باستاماسى – “جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ” دەپ اتالعانى بەلگىلى.

ەلباسىنىڭ اتالعان باستاماسى ءار وڭىردە قىزۋ تالقىلانىپ، سونىڭ نەگىزىندە ىرگەلى ىستەر قولعا الىنعان. ماسەلەن، جامبىل وبلىسىندا 3 جوعارعى وقۋ ورنى بار. ولار: تارمۋ، تارمپۋ، تيگۋ. بۇگىندە اتالعان وقۋ ورىندارىنىڭ ەكەۋىندە جاتاقحانا بار. ولارعا 1264 ستۋدەنت قونىستانعان. ەندى وسىلاردى تارقاتىپ ايتساق.

بىرىنشىدەن، تاراز مەملەكەتتىك ۋنيۆەرسيتەتىندە  11726 جاس ءبىلىم الادى. سول جاستاردىڭ 657 ءسى جاتاقحاناعا مۇقتاج. الايدا، ۋنيۆەرسيتەت باسشىلىعى بۇل ماسەلەنى شەشۋ ءۇشىن ۋنيۆەرسيتەت جەرىنە 500 ورىندى ستۋدەنتتەر ءۇيىن سالۋدى جوسپارلاپ وتىر. بۇل جوبانىڭ جالپى قۇنى – 1,3 ميلليارد تەڭگەنى قۇرايدى. قازىر جاتاقحانا ينۆەستورى  “پيكو” ءجشسى  قۇرىلىس جۇمىستارىن باستاعان.

ەكىنشىدەن، تاراز مەملەكەتتىك پەداگوگيكالىق ۋنيۆەرسيتەتى. بۇگىندە اتالعان وقۋ ورنىندا 5835 ستۋدەنت ءبىلىم الىپ جاتىر. ولاردىڭ 780 ءى جاتاقحانا ماسەلەسىنە تاپ بولعان. بىراق، قازىر مۇندادا ،7 گەكتار جەرگە 5 قاباتتى 500 ورىندى جاتاقحانا سالىنباق. قۇرىلىس نىسانى الداعى مامىر ايىندا باستالاتىن بولادى.

وڭىردەگى تاعى ءبىر جوعارى وقۋ ورنى تاراز يننوۆاتسيالىق-گۋمانيتارلىق ۋنيۆەرسيتەتى. قازىر اتالمىش ءبىلىم ورداسىندا 4020 ستۋدەنت وقيدى. ولاردىڭ 200 دەن استامى جاتاقحاناعا مۇقتاج. ۋنيۆەرسيتەت باسشىلىعى بۇل ماسەلەنى شەشۋ ءۇشىن “تاراز” قوناق ءۇيىن ساتىپ العان. ياعني، الداعى قاراشا ايىندا بۇل قوناق ءۇي ستۋدەنتتەر ۇينە اينالىپ، 200 ستۋدەنتتى قامتىماق.

سونىمەن قاتار وڭىردە 3 كوللەدجگە جاتاقحانا سالۋ ءجۇمىستارى باستالماق. ولاردىڭ جالپى ورىن سانى 750 بولعان. ول كوللەدجدەرگە:

بۇگىندە 942 ستۋدەنت ءبىلىم الاتىن جامبىل گۋمانيتارلىق كوللەدجىنە 300 ورىندى جاتاقحانا قاجەت. ول ءۇشىن قازىر تاراز قالاسى 15-مولتەك اۋدانى اۋماعىنان 1,3 گەكتار جەر بولىنگەن. الداعى ۋاقىتتا جاتاقحانا قۇرىلىسى باستالادى.

سونداي-اق، 2300 تالىمگەرى بار جامبىل مەديتسينالىق كوللەدجىنە دە 350 ورىندى ستۋدەنتتەر ءۇيى سالىنباق. ول ءۇشىن 1,0 گەكتار جەر تەلىمى بولىنگەن. قازىرگى تاڭدا ينۆەستورلارمەن قۇرىلىس جۇمىستارى بويىنشا كەلىسىم شارت جۇرگىزىلىپ جاتقان كورىنەدى.

تاعى ءبىر جاتاقحاناعا مۇقتاج كوللەدج – مەركى وقۋ ورنى. بۇل وقۋ ورنىندا قازىر دە 600 ستۋدەنت ءبىلىم الادى. ال، ولارعا 100 ورىندى جاتاقحانا قاجەت. بۇگىندە مەركى كوللەدجىنىڭ 100 ورىندى جاتاقحانا مۇقتاجدىعىن شەشۋ ءۇشىن 2,0 گەكتار جەر بەرىلگەن. الداعى ۋاقىتتا اتالعان ۋنيۆەرسيتەت تە جاتاقحانا مۇقتاجدىعىن شەشپەك.

قازىر ەلىمىزدەگى جوعارى ءبىلىم بەرۋ وشاقتارىندا وقىپ جاتقان 530 مىڭنان استام ستۋدەنتتىڭ 30 پايىزى مەملەكەتتىك گارانت يەگەرلەرى. بۇل كورسەتكىش جىل سايىن كوبەىپ كەلەدى. ەلباسىنىڭ تاپسىرماسىنا وراي، ەندى وعان تاعى قوسىمشا، 20 مىڭ ءبىلىم گرانتى بولىنبەك. ول گرانتتاردىڭ جارتىسىنان استامى تەحنيكالىق ماماندىقتارعا بەرىلەدى. قازىر الەمدە اقپاراتتىق تەحنولوگيا، روبوت تەحنيكاسى، نانوتەحنولوگيا، ينجەنەرلىك سالالارعا باسىمدىق بەرىلىپ وتىر. سايكەسىنشە، قازاقستان دا وركەنيەتتى كوشتەن قالماۋ ءۇشىن وسى سالا ماماندارىنىڭ دايارلانۋىنا ۇلكەن كومەك جاساماق. بۇل جاستارعا دەگەن مەملەكەت قامقورلىعىنىڭ ناقتى ۇلگىسى.

سونىمەن قاتار، مەملەكەت تاراپىنان ستۋدەنت جاستاردىڭ تەك ءبىلىم الىپ قانا قويماي، جايلى، ىڭعايلى ءومىر ءسۇرۋى ءۇشىن دە جاستار جاتاقحاناسىنىڭ سانىن كوبەيتتى. ءسويتىپ، الداعى ءۇش جىل ىشىندە 75 مىڭ جاڭا ستۋدەنتتەر ءۇيى سالىنباق. مەملەكەت جوسپارىنا ساي، بۇل نىساندار الداعى ۋاقىتتا جاتاقحانا جەتىسپەۋشىلىگىن ءبىرجولا شەشپەك.

Abai.kz