QR Jogharghy sotynyng sudiyasy, QR Sudiyalar odaghynyng tóraghasy Sәken Abdolla «UÁDE» baghdarlamasyna bergen súhbatynda 23 jyldyq tәjiriybesinde 2 mәrte atu jazasyn taghayyndau turaly ýkim shygharghanyn aitty.

«Men azamattyq isterdi de, qylmystyq isterdi de qaradym. Qylmystyq isterding ishindegi men taghayyndaghan eng auyr jaza – atu jazasy. Men oblystyq sottyng sudiyasy edim, Ontýstik Qazaqstanda 1993-1994 jyldar bolu kerek. Jasy ýlken, ontýstikke jaqyn azamattardyng esterinde shyghar. Myna Shymkent pen Tashkentting tas jolynda eki ortada, taksistterdi ústap, olardy buyndyryp óltirip, kólikterin iyelenip otyrghan ýlken bir top bolghan. Men eki adamgha atu jazasyn beretin ýkim shyghardym. Ýkim barlyq satydan ótkenen keyin, Jogharghy sottan keyin, preziydentke barady, preziydent ony bekitedi. Sodan keyin baryp olar atylady. Keyin sol oryndalghannan keyin, sol qaghaz keledi. Soghan deyin ol maghan óte auyr boldy. Onyng ýstine men ol kezde otyz jastarda bolghan azamatpyn. Kýni-týni úiyqtamaghan kezder boldy. Uayym boldy. Ony dúrystap dәleldeu kerek, bekitu kerek. Ol óte onay emes», - dedi sudiya.

QR Sudiyalar odaghynyng tóraghasy atu jazasyn taghayyndaghan ekinshi jaghday turaly da aitty.

«Taghy bir jaghday. Ózining anasynyng tughan sinlisining ýiine barady, ýiin tonaydy, keyin apasy kelip qalady ony óltiredi, shyghyp jatqan kezde olardy 4-5 jasar qyz, yaghny bólesi, terezening perdesin ashyp kórip qalady. «Bizdi aityp qoyady», - dep, ýiine qayta kirip kishkentay qyzdy da óltiredi. Óte kóp epizod boldy. Búghan da atu jazasyn berdim», - dedi Sәken Abdolla.

Ayta ketu kerek, 2021 jyly Preziydent Qasym-Jomart Toqaev ólim jazasyn joiy turaly zangha qol qoydy. Búghan deyin 2003 jyldan bastap Qazaqstanda ólim jazasyna moratoriy engizilgen bolatyn.

Súhbattyng tolyq núsqasy:

Abai.kz