قر جوعارعى سوتىنىڭ سۋدياسى، قر سۋديالار وداعىنىڭ توراعاسى ساكەن ابدوللا «ۋادە» باعدارلاماسىنا بەرگەن سۇحباتىندا 23 جىلدىق تاجىريبەسىندە 2 مارتە اتۋ جازاسىن تاعايىنداۋ تۋرالى ۇكىم شىعارعانىن ايتتى.

«مەن ازاماتتىق ىستەردى دە، قىلمىستىق ىستەردى دە قارادىم. قىلمىستىق ىستەردىڭ ىشىندەگى مەن تاعايىنداعان ەڭ اۋىر جازا – اتۋ جازاسى. مەن وبلىستىق سوتتىڭ سۋدياسى ەدىم، وڭتۇستىك قازاقستاندا 1993-1994 جىلدار بولۋ كەرەك. جاسى ۇلكەن، وڭتۇستىككە جاقىن ازاماتتاردىڭ ەستەرىندە شىعار. مىنا شىمكەنت پەن تاشكەنتتىڭ تاس جولىندا ەكى ورتادا، تاكسيستتەردى ۇستاپ، ولاردى بۋىندىرىپ ءولتىرىپ، كولىكتەرىن يەلەنىپ وتىرعان ۇلكەن ءبىر توپ بولعان. مەن ەكى ادامعا اتۋ جازاسىن بەرەتىن ۇكىم شىعاردىم. ۇكىم بارلىق ساتىدان وتكەنەن كەيىن، جوعارعى سوتتان كەيىن، پرەزيدەنتكە بارادى، پرەزيدەنت ونى بەكىتەدى. سودان كەيىن بارىپ ولار اتىلادى. كەيىن سول ورىندالعاننان كەيىن، سول قاعاز كەلەدى. سوعان دەيىن ول ماعان وتە اۋىر بولدى. ونىڭ ۇستىنە مەن ول كەزدە وتىز جاستاردا بولعان ازاماتپىن. كۇنى-ءتۇنى ۇيىقتاماعان كەزدەر بولدى. ۋايىم بولدى. ونى دۇرىستاپ دالەلدەۋ كەرەك، بەكىتۋ كەرەك. ول وتە وڭاي ەمەس»، - دەدى سۋديا.

قر سۋديالار وداعىنىڭ توراعاسى اتۋ جازاسىن تاعايىنداعان ەكىنشى جاعداي تۋرالى دا ايتتى.

«تاعى ءبىر جاعداي. ءوزىنىڭ اناسىنىڭ تۋعان ءسىڭلىسىنىڭ ۇيىنە بارادى، ءۇيىن تونايدى، كەيىن اپاسى كەلىپ قالادى ونى ولتىرەدى، شىعىپ جاتقان كەزدە ولاردى 4-5 جاسار قىز، ياعني بولەسى، تەرەزەنىڭ پەردەسىن اشىپ كورىپ قالادى. «ءبىزدى ايتىپ قويادى»، - دەپ، ۇيىنە قايتا كىرىپ كىشكەنتاي قىزدى دا ولتىرەدى. وتە كوپ ەپيزود بولدى. بۇعان دا اتۋ جازاسىن بەردىم»، - دەدى ساكەن ابدوللا.

ايتا كەتۋ كەرەك، 2021 جىلى پرەزيدەنت قاسىم-جومارت توقاەۆ ءولىم جازاسىن جويۋ تۋرالى زاڭعا قول قويدى. بۇعان دەيىن 2003 جىلدان باستاپ قازاقستاندا ءولىم جازاسىنا موراتوري ەنگىزىلگەن بولاتىن.

سۇحباتتىڭ تولىق نۇسقاسى:

Abai.kz