Qazaqstanda salynatyn alghashqy atom elektr stansiyasyn (AES) reseylik «Rosatom» memlekettik korporasiyasy basqaratyn konsorsium iske asyratyn boldy. Búl jóninde resmy aqparatty Qazaqstan Respublikasynyng Atom energetikasy agenttigi taratty.

Agenttikting mәlimetinshe: «AES salu boyynsha «Rosatom» kompaniyasynyng úsynysy qauipsizdik, tehnologiyalyq sheshimder jәne qarjylandyru sharttary túrghysynan eng tiyimdi dep tanyldy», – delingen habarlamada.

Sonday-aq, agenttik taratqan aqparatqa sәikes, qazirgi tanda «Rosatom» kompaniyasynyng bastamasymen Resey tarapynan memlekettik eksporttyq qarjylandyru tartu mәselesi qarastyrylyp jatyr.

QR Atom energetikasy agenttigining derekterine sýiensek, AES qúrylysyna qatysty sheshim qabyldanbas búryn jetekshi reaktorlyq tehnologiyalardy óndiretin tórt iri halyqaralyq kompaniyamen keng auqymdy kelissózder jýrgizilgen. Olardyng qataryna Reseyding «Rosatom», Qytaydyng China National Nuclear Corporation, Fransiyanyng Électricité de France jәne Ontýstik Koreyanyng Korea Hydro & Nuclear Power kompaniyalary kiredi. Kelissózder barysynda qazaqstandyq delegasiyalar osy kompaniyalardyng óndiristik nysandaryn aralap, olardyng tehnologiyalarymen tikeley tanysqan.

Barlyq qatysushy kompaniyalar Qazaqstandaghy AES qúrylysyna qatysty keshendi tehnikalyq jәne kommersiyalyq úsynystaryn úsynghan. Búl úsynystarda joba qúny, jýzege asyru merzimi, qarjylandyru shemalary, qúrylys pen óndiristi jergiliktendiru tәsilderi, kadr dayarlau baghdarlamalary, ghylymy baza qalyptastyru, әleumettik mindettemeler men yadrolyq otyn sikline qatysu mýmkindikteri qamtylghan.

Úsynystar arnayy әzirlengen әdisteme boyynsha baghalandy. Búl әdisteme QR Atom energetikasy agenttigi, «Qazaqstandyq atom elektr stansiyalary» JShS jәne fransuzdyq Assystem injiniringtik kompaniyasynyng qatysuymen jasalghan. Baghalau kriyteriylerine AES qauipsizdigi, tehnologiyalyq jәne qarjylyq kórsetkishter, halyqaralyq tәjiriybe, kadrlardy oqytu dengeyi men óndiristi jergiliktendiru mýmkindikteri siyaqty faktorlar engen.

Keshendi taldau nәtiyjeleri Atom salasyn damytu jónindegi vedomstvoaralyq komissiyagha úsynyldy. Komissiya «Rosatom» kompaniyasynyng úsynysyn eng tiyimdi jәne ekonomikalyq túrghydan útymdy dep tanydy. Ekinshi oryndy Qytaydyng CNNC kompaniyasy, al ýshinshi oryndy Fransiyanyng EDF jәne Koreyanyng KHNP kompaniyalary bólisti.

Agenttikting habarlauynsha, Qazaqstan AES qúrylysy boyynsha halyqaralyq konsorsium qúru baghytynda sheteldik seriktestermen yntymaqtastyqty jalghastyra beredi.

Janar Júmabekova

Abai.kz