2 qarashada Norvegiyanyng Ferde qalasynda auyr atletikadan әlem chempionaty bastalady. Jana salmaq dәrejelerining engizilui biylghy әlem birinshiligining basty ereksheligi bolmaq. Búl ózgeris әr salmaqtaghy bәsekelestik dengeyin aitarlyqtay ózgertti. Qazaqstan búl joly әlem chempionatyna shaghyn qúrammen attandy. Tolyghyraq Olympic.kz materialynda.

2024 jylghy әlem birinshiliginde últtyq qúrama ýsh jýldege qol jetkizgen edi. Núrghisa Ádiletúly (96 kelige deyin) men Artem Antropov (102 kelige deyin) altynnan alqa taqsa, Aleksey Churkin (81 kelige deyin) kýmis jýldeger atandy.

Alayda Norvegiyada sol jýldegerlerding eshqaysysy jarys túghyryna shyqpaydy. Búghan qosa, Qazaqstan әielder qúramasy da qatyspaydy. Bapkerler shtaby shaghyn qúramdy jiberuge sheshim qabyldady. Sebebi basqa jarystargha basymdyq berilip otyr. Sonyng ishinde 7-21 qarasha aralyghynda Er-Riyadta (Saud Arabiyasy) ótetin Islam yntymaqtastyghy oiyndary bar.

Osyghan baylanysty 2025 jylghy әlem chempionatynda el namysyn bar bolghany tórt sportshy qorghaydy. Olar ýsh salmaq dәrejesinde syngha týsedi.

79 kelige deyin: Edige Emberdi, Petr Hrebtov

88 kelige deyin: Álibek Rahymberdi

110 kelige deyin: Súltan Meyram

Bizding auyr atletterge jýlde ýshin talas onaygha soqpaydy. Onyng ýstine, әlem chempionaty aldynda әr salmaqtaghy jaghday týsiniksiz bolyp túr. Sebebi biyldan bastap jana salmaq dәrejeleri engizilgendikten, aiqyn favoritterdi atau qiyn.

Kóptegen auyr atlet ózderining búrynghy salmaq dәrejesin ózgertuge mәjbýr boldy. Biri salmaghyn tómendetse, endi biri kerisinshe, jogharylatudy tandady. Sonyng nәtiyjesinde әdettegi jarys tizimi týbegeyli ózgerdi. Sondyqtan sarapshylar favoritterdi negizinen olardyng tәjiriybesi men ataqtaryna qaray baghalap otyr.

Qazaqstan qúramasynan Edige Emberdige ýmit artyluda. Ol - A tobyna engen últtyq qúramadaghy jalghyz sportshy. Ótken jyly jastar arasynda ótken әlem chempionatynda (89 kelige deyin) top jarsa, biyl jazda Aziya rekordyn janartyp, sary qúrlyq birinshiliginde jenimpaz atandy. Endi alghash ret eresekter arasynda ótetin әlemdik dodada baq synaydy.

"Basty maqsatym - biyl iri halyqaralyq jarystardyng birinde jeniske jetu. Bolashaqta odan da joghary jetistikterge úmtylamyn. Eng bastysy - babymdy qalpyna keltirip, dayyndyqty kýsheytip, 2028 jylghy Olimpiadagha joldama alu", - degen edi Edige sary qúrlyq birinshiliginen keyin.

Degenmen, Norvegiyada jýlde alu onay emes. Ásirese Emberdi men Hrebtovqa (V toby) kil myqtylar qarsylas bolady. Olardyng diviziony - chempionattaghy eng tartysty toptyng biri. Qarsylastardyng qatarynda Olimpiada-2024 jenimpazy Rizky Djuniyansyan (Indoneziya), 2024 jylghy әlem chempiony Ry Chon Son (KHDR), 2023 jylghy әlem chempiony, ýsh dýrkin Europa chempiony Oskar Martiynes (Italiya), mysyrlyq jas daryn Mohammed Elisayed bar. Sarapshylar Emberdige de basymdyq berip otyr.

Álibek Rahymberdi V tobynda óner kórsetedi. Onyng salmaghynda aiqyn favorit joq. Biraq qarsylastarynyng arasynda әlem chempionattarynyng jýldegerleri – Rel Kvan Ro (KHDR), Marin Robu (Moldova), sonday-aq irandyq jas sportshy Iliya Salehipur men Bosniya ókili Adranik Karapetyan bar.

Súltan Meyram bolsa, S tobynda syngha týsedi. 110 kelige deyingi salmaqta medali ýshin talasqa týsu qiyn bolmaq. Ádette jýldelerdi A tobynyng sportshylary ózara bólisedi. Búl topta ózbekstandyq Olimpiada chempiondary Ruslan Nurudinov pen Akbar Djuraev basty ýmitkerlerding qatarynda. Ayta ketsek, Djuraev Tokio-2024 Olimpiadasynda kýmis alghan, al Nurudinov әlem chempiony atanghan. Búlardan bólek, armeniyalyq Garik Karapetyan da halyqaralyq turnirlerdi joghary nәtiyje kórsetude.

Ayta keteyik, Qytay qúramasy men birqatar әlemdik kóshbasshy Norvegiyagha barmaydy. Biri sporttyq mansabyn ayaqtasa, endi biri qarashada ótetin Qytay últtyq oiyndaryna dayyndaludy jón kórgen. Sondyqtan búl chempionatta ekinshi qúramdaghy sportshylardyng bәsekesi tartysty bolmaq.

Alghash bolyp 6 qazan kýni Hrebtov pen Emberdi ziltemir kóteruge shyghady. 7 qazanda - Rahymberdi, al 10 qazanda Súltan Meyram baq synaydy.

Abai.kz