Düysenbi, 25 Naurız 2019
Bärekeldi! 6462 20 pikir 15 Naurız, 2019 sağat 12:53

Sağadiev kerek etpegen "Älippeni" Şämşidinova qaytardı!

Büginde bizdiñ eldiñ bilim salası bwlıñğır twmanğa toğıtılğan. Jıl sayın emes, ay sayın jasalatın jöndi-jönsiz reformalardıñ paydasınan ziyanı köp ekenin ekiniñ biri biledi. Mäselen, QR Bilim jäne ğılım ministrligin Erlan Sağadiev basqarğan üş jıl üştildilik dauı jäne «Älippe» men «Ana tilinen» bas tartumen este qaldı. Mwnday «köregen» özgerister Sağadiev kezinde ğana emes, odan bwrın atalğan vedomstvanıñ tizginin wstağan Aslan Särinjipov, Baqıtjan Jwmağwlov sındı reformatorlar twsında da öte köp bolğan.

Erlan Sağadievtiñ el esinde qalğan bir isi «Älippe» men «Ana tilin» tärik etip, ornına «Sauat aşudı» engizu boldı dedik. Ökiniştisi, Erlan Kenjeğaliwlı bwl qadamımen halıqtıñ alğısın emes, qarğısın aldı. 1913 jıldan bastap bir ğasırdan astam uaqıt «Älippe» atauımen är buın wrpaqtı bilim bağına bastap kirgizetin bastı oqulıqtan bas tartu kimge kerek bolğanı äli belgisiz. Bwnı Erlan Sağadiev mırza sol kezde tüsindire almağan. Tüsindire almağan beti qızmetinen ketti…

Jaqında Bilim jäne ğılım ministri qızmetine Küläş Şämşidinova keldi. Jaña basşınıñ wzaq jıldar bilim salasında jemisti jwmıs jasağanın biletin köpşilik "kejegesi keyin tartıp twrğan salanıñ jürisi endi oñaladı" dep ümittenip otır. Halıqtıñ ıstıq ıqalsımen jaña jwmısına bilek sıbana kirisken Küläş Noğatayqızı eks-ministrdiñ qateligin qaytalamauğa qabiletti ekenin añarttı. Endi Erlan Sağadiev sırtqa tepken «Älippe» kelesi oqu jılınan basap jas örendermen qayta jüzdesedi. Bwl turalı su jaña ministr özi mälimdedi.

Küläş Şämşidinova aqtöbeliktermen kezdesui kezinde jergilikti twrğınnıñ swrağına jauap berip, bilim salasındağı kemşilikterdiñ ketigin jamauğa nietti ekenin ayttı.

Al tildik oqıtu mäselesi qaralatın boladı. Älippege baylanıstı, biılğı oqu jılında ülgermeymiz, kelesi oqu jılında älippe ornına qaytıp keledi. Biz balalarğa bilimdi özi izdeuge üyretuimiz kerek. Osı jağınan sürinip jatırmız, - dedi ministr.

Demek, endi bastauış sınıp balalarına äueli mätin oqıtıp, odan keyin ärip üyretetin qoyırtpaq ädistemege qoş aytamız. Älippe — mektep tabaldırığın endi attağan qwlınşaqtardı qwşaq jaya qarsı alıp, oqıp-bilsem degen talabına qanat bitiretin qadirli oqulıq. Al Sağadievtiñ «Sauat aşuı» bwl mindetti arqalağanı bılay twrsın, oquşılarğa ana tiliniñ älipbiin üyretuge de därmensiz boldı. Sebebi, «Sauat aşu» oqulığı älipbidi üyretuge atüsti qarağan. "Äripter retsiz, dıbıstıq qaytalausız berilgen. Ärip qatarı degen tüsinik bolmağandıqtan, balağa älipbi qatarın jattau mülde qiınğa soqtı", - deydi mamandar.

Qalay aytsaq ta, «Sauat aşu» degen sauatsız bastama bilim salasın biraz bılıqqa batırdı. Endi jaña ministr bwnday bassızdıqqa jol bermeymin dep otır. Oquşılar birinşi künnen bastap «Älippe» oqıp, ärip tanıp, älipbi jattap ösedi. Küläş Şämşidinovanıñ bwl bastamasına bärekeldi aytudan basqa alıp-qosarımız joq. Tek bastağan is soñına deyin jetse eken deymiz.

«Älippeni» qaytarğan soñ qolğa alatın bastı jwmıs — oqulıq sapasın sınnan ötkizu bolmaq. El arasında oqulıqta kezdesetin qateler men bası artıq kitap-däpterlerge aytılar sın köp. Äsirese bwğanası qatpağan birinşi sınıp oquşılarına salmağı 7-8 kg şığatın sumka arqalatu qanşalıq dwrıs?! Sol üşin oqulıqtardıñ sanın emes, sapasın nazarda wstağan jön. Mekteptiñ minsiz bilimi, twnıq tärbiesimen susındağan baldırğandar ğana bolaşaqtıñ iesi bola aladı. Sol üşin bilim salasında ministr auısqan sayın mağnasız reromalar jasaudı toqtatıp, eldiñ erteñi men wlttıq bolaşağın mañızdı orınğa qoyu kerek.

Taqırıpqa twzdıq:

Eks-ministr Erlan Sağadievtiñ Älippeni mektep bağdarlamasınan alıp tastauı turalı bizdiñ Abai.kz aqparattıq portalında jüzdegen maqala men sıni pikirler jazıldı. Bügin solardıñ birsıpırasın eske tüsire ketkendi jön dep taptıq.

Sağadievtiñ "sauat aşuı" sauatsızdıq älippesi me?

Älippesiz ärip tanu zalalı

Bäri birinşi sınıptan bastaladı

«It» dep jazıp, «şoşqa» dep oqitındar özderi bilsin...

Sağadiev Abai.kz-ke resmi jauap beredi

Tildiñ baylığı emes, qızmeti mañızdı!

Sağadievtiñ statistikası keri ketip baradı

Oquşılar qazaq tiliniñ ornına geografiya pänin oqi ma, Sağadiev mırza!

Qazaq oyandı...Sağadiev sonı bile me?

A.Peruaşev:Bilim salasındağı mäseleler bärimizge ortaq

Jauap deuge kelmeytin "jauap"

Aşıq hatqa qol qoyğandardıñ aytarı bar

Quanış Qappas

Abai.kz

20 pikir