Senbi, 19 Qazan 2019
Sañlaq 1448 12 pikir 6 Qazan, 2019 sağat 10:25

Golovkin IBF jäne IBO beldigin qaytarıp aldı

N'yu-Yorktegi «Medison Skver Garden» arenasında qazaqstandıq boksşı Gennadiy Golovkin (39-1-1, 35 KO) men ukrainalıq Sergey Derevyançenko (13-1-0, 10 KO) jwdırıqtastı.

Boks janküyerleri asığa kütken bwl jekpe-jekte ota salmaq sanatındağı IBF jäne IBO tituldarı bäske tigilgen.

Kezdesu kütpegen körinispen bastaldı. Ukrainalıq boksşı birinşi raundta nokdaunğa tüsip qaldı. Biraq bwl joğarı qarqın jekpe-jek soñına deyin jalğasqan joq. Üşinşi raundtan bastan birsıdırğı kezdesu bastaldı. Ukrain boksşısı qabağı jarılıp ketkenine qaramastan 12 raund boyı bokstasıp şıqtı.

Qos boksşı 12 raund jwdırıqtasıp bolğan soñ, töreşiler qazaqstandıqtıñ qolın köterdi. Osılayşa, otandasımız bwrın özine tiesili bolğan IBF jäne IBO twjırımdarınıñ çempiondıq beldigin qaytarıp aldı.

Negizi Derevyançenko men Golovkin 2018 jılı kezdesui kerek bolatın. 2017 jıldıñ tamız ayında Sergey Bagam araldarınıñ boksşısı Tureano Djonsondı jeñip, IBF belbeuiniñ iegeri Gennadiy Golovkinniñ mindetti qarsılası atanğan. Alayda GGG Sergeymen emes, Saul' Al'varespen jwdırıqtasudı jön körip, IBF titulınan bas tartqan.

2018 jıldıñ qazan ayında Sergey amerikalıq Deniel Djeykobspen orta salmaqtağı İVĞ çempiondıq belbeuin sarapqa salıp, nätijesinde töreşilerdiñ şeşimimen jeñilip qaldı. Al İVĞ beldigi keyin Djeykobsti jeñgen Saul' Al'varestiñ qolına ötti. Biıl säuirde Sergey nemis boksşısı Djek Kul'kaydı jeñip, tağı da IBF titulına mindetti ümitker atandı. Biraq meksikalıq boksşı da Derevyançenkomen jekpe-jek ötkizgen joq. Söytip, İVĞ beldigi tağı bos qalğan. Mine endi atalğan beldik qaytadan Golovkinniñ beline oralıp otır. İVĞ belbeuiniñ qısqaşa "şeşiresi" osınday.

Bärimiz biletindey, Gennadiy Golovkin orta salmaqta WBC, WBA (Super), IBF jäne IBO twjırımdarı boyınşa älem çempionı bolatın. Alayda ötken jılı 16 qırküyek Las-Vegasta meksikalıq Saul' Al'varesten jeñilip, WBC, WBA (Super) jäne IBO twjırımdarı boyınşa çempiondıq beldikterinen ayırılıp qaldı (odan säl bwrın IBF beldigin qaytarıp bergenin joğarıda jazdıq). 2018 jılı bar beldiginen ayırılğan otandasımız arağa bir jıl salıp älem çempionı atağın qaytarıp aldı. Ol endi IBF jäne IBO twjırımdarı boyınşa älem çempionı.

Oqi otırıñızdar: Golovkinniñ gonorarı nege az?

Ayta keteyik, bwl keşte tağı bir qazaqstandıq boksşı Äli Ahmedov amerikalıq boksşı Endryu Hernandespen (20-7-2, 9KO) jwdırıqtastı. 10 raundqa josparlanğan jekpe-jek bar bolğanı 30 sekundta qazaqstandıqtıñ jeñisimen ayaqtaldı.

Quanış Qappas

Abai.kz

12 pikir