Жетісу облысы Сарыөзек әскери гарнизонында 18 жастағы сарбаз қаза болды. Бұл туралы Азаттық радиосы жазды.

Ақпаратқа қарағанда, оқиға 14 қаңтарда болған. Сарыөзек әскери гарнизоны бұл оқиға бойынша қылмыстық іс қозғалғанын хабарлады.

"Әскери-далалық оқу-жаттығулар кезінде әскерге шақырылған сарбаз атыс қаруын қолдану ережесін бұзып, төс сүйегінен жарақат алды. Қылмыстық іс қозғалды. Себептері анықталып, тергеу шаралары жүргізіліп жатыр. Қазақстан Республикасы құрлық әскерінің бас қолбасшысы басқаратын арнайы комиссия құрылды", - деп жазылған хабарламада.

Қорғаныс министрлігі әзірге ақпаратқа түсініктеме бермеді.

Abai.kz