جەتىسۋ وبلىسى سارىوزەك اسكەري گارنيزونىندا 18 جاستاعى سارباز قازا بولدى. بۇل تۋرالى ازاتتىق راديوسى جازدى.

اقپاراتقا قاراعاندا، وقيعا 14 قاڭتاردا بولعان. سارىوزەك اسكەري گارنيزونى بۇل وقيعا بويىنشا قىلمىستىق ءىس قوزعالعانىن حابارلادى.

"اسكەري-دالالىق وقۋ-جاتتىعۋلار كەزىندە اسكەرگە شاقىرىلعان سارباز اتىس قارۋىن قولدانۋ ەرەجەسىن بۇزىپ، ءتوس سۇيەگىنەن جاراقات الدى. قىلمىستىق ءىس قوزعالدى. سەبەپتەرى انىقتالىپ، تەرگەۋ شارالارى جۇرگىزىلىپ جاتىر. قازاقستان رەسپۋبليكاسى قۇرلىق اسكەرىنىڭ باس قولباسشىسى باسقاراتىن ارنايى كوميسسيا قۇرىلدى", - دەپ جازىلعان حابارلامادا.

قورعانىس مينيسترلىگى ازىرگە اقپاراتقا تۇسىنىكتەمە بەرمەدى.

Abai.kz