Kóneni qaydam, keyingi kezde "Qazaq kinosy" dese oigha әrtýrli dau-damaylar orala beretin boldy. Bayan Esentaeva, Núrlan Qoyanbaev siyaqty әuesqoy kinogerlerdi ayausyz synaghan Ermek Týrsynnyng jóni bólek. Qazaqfilim tónireginde de alypqanpa әngime sayabyrsyghan emes.

Últtyq kino óndirisining kósegesin kógertedi degen Azamat Satybaldy da kýni keshe shuly ortadan at basyn ala qashty.

Últtyq kino qoldau ortalyghy qúrylyp, búl salagha budjetten qomaqty aqsha bólinip, el kinosy janasha baghytqa bet alady degenimizben jaghday onalmay túr. Býgin ghana jas buynnyng betkeústary Rýstem Ábdirashev jeke paraqshasynda oqshau pikir jariyalady. Tolyq mazmúny tómendegidey:

«Qazaq kinosy, es jiyatyn uaqyt keldi! Últtyq mýddemizdi kәsiby túrghyda qorghau - bizding jauapkershilik!

Býgin shet elde bizding atymyzdan, qazaq kinoóndirisine qatysy joq adamdar tym jii sóileude. Olar industriyany tanystyrady-mys, qorytyndy jasaydy-mys, ókinishke qaray, bizding kino salasynyng shynayy kelbetin búrmalap kórsetedi. Ózgelerding soyyly bolyp jýruden jasqanbaydy.

Qazaq kinosynyng atynan bizder qoldamaytyn, bizge jat iydeyalardy úsynady.

Sondyqtan:

Últtyq Kәsiby kino gilidiyalar qúru uaqyty keldi. Ortaq ýn shygharatyn kezeng keldi.

Kýn sayyn osy salada enbek etip jýrgenderding mýddesin qorghaytyn, qúrylym kerek-aq!

Birigudi bastamasaq, bizding atymyzdan ózgeler sóiley bermek.

Birigetin, qúldyq sanadan arylatyn zaman keldi.

Óz qolymyz óz auzymyzgha endi jetkende, el bolyp úiyp jatqan bizder - ózge elding baghyt - baghdaryna kiriptar emespiz».

Ábdirashevting aitpaq bolghan oiynyng úzyn-yrghasy osynday. Búl naryq zamanynda bastalghan kinogerler arasyndaghy kәsibiy-әuesqoy bolyp aitysatyn daudan ózgeshe. Pysyq produserler el ishin qoyyp, endi әlemdik naryqqa qazaq bolmysyn basqasha kórsetuge tyrysyp jýr degen sóz.

Dýniyeni shulatqan «Borat» filiminen әli de sabaq almaghan siyaqtymyz. Últtyq kino qoldau ortalyghy ózderi qarjylandyrghan, «últtyq» sózin qosarlaghan kinolargha kóppen aqyldasyp naqty sipatyn bekitui kerek-aq!

Rustem Ábdirashevting da aitpaghy sol bolar dep túspaldaymyz.

Abai.kz