ەرلى-زايىپتى تيمۋر مەن دينارا قۇلىباەۆتار حالىق بانكىندەگى 18,1% ۇلەسىن لوندون بيرجاسىنداعى جەكە ينۆەستورلارعا ساتپاق، دەپ جازادى Bloomberg سەنىمدى دەرەككوزدەرىنە سۇيەنىپ. قۇلىباەۆتارعا تيەسىلى «المەكس» حولدينگىنىڭ حالىق بانكتە 69,5% اكتسياسى بار.

«ساتىلىمنىڭ نەگىزگى ماقساتى – اكتسيالاردىڭ وتىمدىلىگىن ارتتىرۋ جانە اكتسيونەرلەر پۋلىن كەڭەيتۋ.  بۇل حالىقارالىق قور بيرجالارىندا ساۋدا جاسايتىن ەميتەنتتەردىڭ قاعازدارى ءۇشىن تۇراقتى قالىپتاسقان حالىقارالىق جانە قازاقستاندىق تاجىريبە. ءبىز اكتسيالاردىڭ وتىمدىلىگىن ارتتىرۋعا جانە حالىق بانك كاپيتالىن ۇلعايتۋعا مۇددەلىمىز»، - دەپ ءتۇسىندىردى حولدينگ وكىلدەرى.

«المەكس» حولدينگى حالىق بانكتى باقىلاۋعا مۇمكىندىك بەرەتىن 51% اكتسيانى وزىندە قالدىرادى. ال قالعان 49% اكتسيا جەكە ينۆەستورلاردىڭ قولىندا بولادى جانە اشىق نارىقتا ساتىلىپ جۇرە بەرەدى.

Dala inside تەلەگرام ارناسى مۇنى وتە اقىلدى ستراتەگيا دەپ جازادى.

«حالىق بانكى اكتسيالارىن بۇكىل الەم بويىنشا ءتۇرلى ينۆەستورلار ۇستاپ وتىرعاندىقتان ونىڭ حالىقارالىق كومپانيا ستاتۋسى بار. دەمەك بانككە "جاڭا قازاقستان" بيلىگى تيىسە المايدى. ال «المەكس» بانك پايداسىنان 51% ديۆيدەند الىپ وتىرادى. ياعني بانك نەگىزگى قوجايىندارىنا پايدا اكەلۋىن جالعاستىرا بەرەدى»، - دەيدى ارنا.

قۇلىباەۆ «قازاقستاننىڭ ەڭ ىقپالدى 50 كاسىپكەرى – 2022» رەيتينگىندە ءبىرىنشى ورىنعا يە. سونداي-اق، قۇلىباەۆتار «قازاقستاننىڭ ەڭ باي 50 كاسىپكەرى – 2022» تىزىمىندە ەكىنشى ورىن الادى.

«المەكس» ارقىلى ولار سونداي-اق Altyn Bank-ءتىڭ 40% ۇلەسىنە يەلىك ەتەدى. حولدينگ قازاقستاندا، رەسەيدە، قىرعىزستاندا، وزبەكستاندا، تاجىكستاندا جانە گرۋزيادا جۇمىس ىستەيدى.

Abai.kz