«فەمينيتا» قوزعالىسىنىڭ نەگىزىن قالاۋشىلار جانار سەكەرباەۆا مەن گۇلزادا سەرجان تۇركىستانداعى قوجا احمەت ياسساۋي كەسەنەسىنىڭ الدىندا بەينەقۇتتىقتاۋ ءتۇسىردى. لگبت تۋىن ۇستاپ تۇرعان ولار:

«بارشاڭىزدى مەرەكەمەن قۇتتىقتايمىن. بيىل الماتىدا، تۇركىستاندا «كۇلگىن كيىز ءۇيدى» سىزدەرمەن بىرگە ءساتتى وتكىزىپ، بىرگە تويلاپ جاتىرمىز. قاسيەتتى جەرگە ءوز قۇقىعىمىزدى قورعاۋ ءۇشىن كەلدىك. ادام قۇقىعى قورعالعان بارلىق جەر – كيەلى جەر»، – دەدى.

عالامتوردا كەڭىنەن تاراعان اتالمىش ۆيدەونى اركىم ارقالاي قابىلداپ جاتىر. كوپشىلىكتىڭ پىكىرى: «قوجا احمەت ياسساۋي كەسەنەسىنىڭ فونىندا گوموفوبيا، ترانسفوبيا جانە لەسبوفوبيامەن كۇرەس كۇنىنە ارنالعان بەينەقۇتتىقتاۋدى ارنايى، ماقساتتى تۇردە جاساپ وتىر. بۇلار ەندى قاي اۋليەنىڭ باسىنا بارىپ جالاۋىن جالبىراتار ەكەن؟»، – دەگەنگە سايادى.

«فەمينيتاشىلداردىڭ» «ادام قۇقىعى قورعالاتىن كيەلى جەر» ساناپ بارعان تۇركىستان وبلىسى ادام حاقىن اياققا تاپتاۋدان ەشكىمگە ەسە جىبەرگەن ەمەس. مىسالى، بىلتىردىڭ وزىندە وتباسىلىق زورلىق-زومبىلىققا قاتىستى ءىىم-نە تۇركىستان وبلىسىنان 6606 قوڭىراۋ تۇسكەن. تەلەفونعا قولى جەتپەگەندەر مەن كومەك سۇراۋدان قورىققانداردى ەسەپكە الماي وتىرعانىمىزدى ەسكەرتە كەتەيىك.

Abai.kz