بۋراباي اۋدانىندا جۋرناليستيكادا وقيتىن ستۋدەنتتەرگە ارنالعان Media Bootسamp جازعى مەكتەبى اشىلدى. بۇل تۋرالى مادەنيەت جانە اقپارات مينيسترلىگىنىڭ ءباسپاسوز قىزمەتى حابارلادى.

جوبا جاس جۋرناليستەردىڭ مەديا يندۋسترياداعى جاڭا ۇردىستەر مەن يننوۆاتسيالار تۋرالى ءبىلىمىن ارتتىرىپ، كاسىبي ماشىقتارىن جەتىلدىرۋگە باعىتتالعان.

Media Bootcamp-ءتىڭ وقۋ باعدارلاماسى «جۋرناليست ەتيكاسى جانە ونىڭ ستاندارتتارى»، «قازىرگى دوكۋمەنتاليستيكا: ستوريتەلليڭنىڭ ءتيىمدى ءادىس-تاسىلدەرى»، «جۋرناليستيكادا جاساندى ينتەللەكتىنى ء(اى) قولدانۋ» سەكىلدى وزەكتى تاقىرىپتاردى قامتيدى. قاتىسۋشىلارعا كاسىبي جۋرناليستەر، مەديا سالاسىنىڭ ماماندارى ءدارىس وقىپ، ۋوركشوپ وتكىزەدى. جازعى مەكتەپكە قاتىسۋ ءۇشىن ەلىمىزدەگى 19 جوو-دا وقيتىن ستۋدەنتتەر مەن ماگيسترانتتاردان 74 ءوتىنىش كەلدى. ولاردىڭ اراسىنان 50 قاتىسۋشى ىرىكتەلىپ الىندى.

ءىس-شارانى قر مادەنيەت جانە اقپارات مينيسترلىگىنىڭ قولداۋىمەن قازاقستاندىق قوعامدىق دامۋ ينستيتۋتىنىڭ MediaLab ورتالىعى ۇيىمداستىردى. وقىتۋ بۇگىن باستالىپ، 25 شىلدەگە دەيىن جالعاسادى.

Abai.kz