2024 جىلعى قىركۇيەكتە شىمكەنت قالاسىندا «س» ەسىمدى ازامات «WhatsApp» مەسسەندجەرى ارقىلى تانىسى «ت» ەسىمدى ازاماتشاعا حالىقارالىق تەرروريستىك ۇيىم «مۇسىلمان باۋىرلار» يدەولوگياسىن جانە «قارۋلى جيھاد» يدەياسىن ناسيحاتتايتىن، سونداي-اق زورلىق-زومبىلىققا شاقىراتىن ماتەريالداردى جولداپ، تەرروريستىك توپتارعا قوسىلۋعا ۇگىت – ناسيحات جاساعان.

سوت ۇكىمىمەن «س» ەسىمدى ازامات قر قك 256-بابىنىڭ 2-بولىگى (تەرروريزمدى ناسيحاتتاۋ، سونداي-اق وسىنداي مازمۇنداعى ماتەريالداردى ينتەرنەت-رەسۋرستار ارقىلى تاراتۋ) جانە 296-بابىنىڭ 1-بولىگى (تەرروريستىك نە ەكسترەميستىك ارەكەتتەردى ۇيىمداستىرۋ ماقساتىندا ادامدارعا ۇگىت - ناسيحات جاساۋ، دايارلاۋ نەمەسە قارۋلاندىرۋ) بويىنشا كىنالى دەپ تانىلىپ، وعان 8 جىلعا باس بوستاندىعىنان ايىرۋ جازاسى تاعايىندالدى.

وتكەن جىلى وسىنداي قىلمىس جاساعانى ءۇشىن 10 ازامات سوتتالعان.

شىمكەنت قالاسىنىڭ پروكۋراتۋراسى بۇل ارەكەتتەر ءۇشىن 5 جىلدان 12 جىلعا دەيىن باس بوستاندىعىنان ايىرۋ جازاسى جانە مۇلكىن تاركىلەۋ قاراستىرىلعانىن ەسكەرتەدى.

Abai.kz