استانا قالاسى پروكۋراتۋراسىنىڭ ۇيلەستىرۋىمەن ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى ەلورداعا سينتەتيكالىق ەسىرتكى جەتكىزۋ ارناسىن انىقتاپ، جويدى.

جەدەل-ىزدەستىرۋ ءىس-شارالارى بارىسىندا الماتى قالاسىنىڭ ەكى تۇرعىنى ۇستالدى. ولار دوستىق شاعىن اۋدانىنداعى پاتەرلەردىڭ بىرىندە پسيحوتروپتىق زاتتاردى جاسىرىن وندىرۋمەن اينالىسقان.

ءتىنتۋ بارىسىندا ەسىرتكى جاساۋعا پايدالانىلعان زاتتار – حيميالىق رەاكتيۆتەر، ەلەكترپليتالار، پلاستيك جانە شىنى ىدىستار، ۆاكۋمداعىش، بوياعىشتار جانە باسقا دا قۇرامداس بولىكتەر تاركىلەندى. سونىمەن قاتار، تاراتىلۋعا دايىن 5 كيلوگرامنان استام سينتەتيكالىق ەسىرتكى زاتى انىقتالىپ، تاركىلەندى.

كۇدىكتىلەر ەسىرتكىنى دايىنداۋدا «سۋىق قايناتۋ» دەپ اتالاتىن جاڭا ءادىستى قولدانعان. بۇل – جوعارى تەمپەراتۋرا قولدانباي، حيميالىق رەاكتسيالار ارقىلى جۇزەگە اسىرىلاتىن ءتاسىل. اتالعان ءادىس اسا قاۋىپتى بولىپ سانالادى.

ەسىرتكى قۇرالدارىنىڭ تارالۋ ارنالارىنىڭ جولىن كەسۋ بويىنشا جۇمىستار جالعاسۋدا.

Abai.kz