اقش پرەزيدەنتى ترامپ يزرايل مەن حاماس بىتىمگە كەلگەنىن حابارلادى.

اقش پرەزيدەنتى: «يزرايل مەن حاماس بەيبىتشىلىك جوسپارىنىڭ ءبىرىنشى كەزەڭىنە قول قويعانىن ماقتانىشپەن ايتقىم كەلەدى. بۇل دەگەنىڭىز بارلىق تۇتقىنعا الىنعاندار جاقىن ارادا بوساتىلادى، ال يزرايل تۇراقتى بەيبىتشىلىكتىڭ العاشقى قادامى رەتىندە كەلىسىلگەن سىزىققا قاراي اسكەرىن الىپ كەتەدى دەگەندى بىلدىرەدى»، - دەپ جازدى. ول ارااعايىندىق جاساعان كاتار، مىسىر مەن تۇركياعا العىس ءبىلدىردى.

كەلىسىم بويىنشا تۇتقىندار 13-قازاندا بوساتىلۋى مۇمكىن. ترامپ دەمالىس كۇندەرى تاياۋ شىعىسقا ساپارلاپ بارۋى مۇمكىن ەكەنىن دە ايتتى.

قازاقستان نە دەيدى؟

پرەزيدەنت قاسىم-جومارت توقاەۆ مىسىردا وتكەن جاناما كەلىسسوزدەر بارىسىندا قول جەتكىزىلگەن گازا سەكتورىنداعى قاقتىعىستى توقتاتۋ جانە تۇتقىنعا الىنعان ادامداردى بوساتۋ تۋرالى كەلىسىمدى قولدايدى. مەملەكەت باسشىسى مىسىر، قاتار، تۇركيا ەلدەرىنىڭ ارااعايىندىق قىزمەتى تابىستى بولعانىن، سونداي-اق تاياۋ شىعىستا بەيبىتشىلىك ورناتۋ جونىندەگى كەلىسسوزدەرگە پرەزيدەنت دونالد ترامپ باستاعان اقش تاراپىنىڭ ەرەكشە ۇلەس قوسقانىن اتاپ ءوتتى.

تۇركيا نە دەيدى؟

تۇركيا پرەزيدەنتى رەجەپ تايىپ ەردوعان يزرايل مەن حاماس اراسىنداعى كەلىسىمدى قولدايتىنىن ايتتى. كەلىسىمنىڭ جاسالۋىنا مۇرىندىق بولعان ترامپقا جانە ەرەكشە ۇلەس قوسقان كاتار مەن مىسىرعا ءوز العىسىن جەتكىزدى. تۇركيا 1967 جىلعى شەكارا بويىنشا پالەستينا مەملەكەتى قۇرىلىپ، استاناسى شىعىس يەرۋساليم بولۋ كەرەكتىگىن ايتتى.

پالەستينا نە دەيدى؟

پالەستينا پرەزيدەنتى ماحمۇح ابباس: «گازاعا پالەستينا مەملەكەتى يەلىك ەتۋى ءتيىس. گازانى سوعىستان كەيىن قالپىنا كەلتىرۋ پروتسەسستەرى باستالىپ، گازا پالەستينا اكىمشىلىگىمەن قوسىلۋى شارت»، - دەيدى.

Abai.kz