قازاقستان رەسپۋبليكاسىنىڭ ۇلتتىق كىتاپحاناسى جانىنداعى مۇحتار اۋەزوۆ عىلىمي كابينەتىنىڭ جابىلۋى تۋرالى بىرقاتار باق-تا پايدا بولعان اقپاراتقا بايلانىستى ونىڭ تولىققاندى جۇمىسىن جالعاستىرىپ، وقىرماندار مەن زەرتتەۋشىلەردى شتاتتىق رەجيمدە قابىلدايتىنىن حابارلايمىز.

مۇحتار اۋەزوۆتىڭ عىلىمي كابينەتى قر ۇلتتىق كىتاپحاناسىندا قالىپتى تۇردە قىزمەت كورسەتىپ، كەلۋشىلەردى قابىلداۋدى جالعاستىرىپ جاتىر جانە كىتاپحانانىڭ ەكسكۋرسيالىق مارشرۋتىنا ەنگىزىلگەن.

كابينەتتىڭ كىتاپ قورى الداعى ۋاقىتتا دا تولىقتىرىلاتىن بولادى، سونداي-اق جازۋشىنىڭ شىعارماشىلىعىنا ارنالعان ءىس-شارالار تۇراقتى وتكىزىلەدى.

ەسكە سالا كەتەيىك، بيىلعى قازان ايىندا «الماتى قالاسىنىڭ ورتالىقتاندىرىلعان كىتاپحانا جۇيەسى» كمقك-ءنىڭ №4 كىتاپحانا-فيليالىنا مۇحتار اۋەزوۆتىڭ ەسىمىن بەرۋگە جانە وندا جازۋشىنىڭ مەموريالدىق كابينەتى اشىلۋىنا بايلانىستى، مۇرات اۋەزوۆتىڭ بىرقاتار جەكە زاتتارى مەن كىتاپتارى جازۋشىنىڭ وتباسىنان وسى فيليالعا بەرىلدى. بۇل قادام وتباسى باستاماسىمەن جۇزەگە اسىرىلىپ، الماتىلىقتار مەن قالا قوناقتارىنىڭ جازۋشى مۇراسىنا قولجەتىمدىلىگىن كەڭەيتۋگە باعىتتالعان.

Abai.kz