ەكى كۇن قاتارىنان استانادا قوناق بولعان تۇركيا پرەزيدەنتى رەجەپ تايىپ ەردوعان بۇگىن تۇركىستاندا ءجۇر...

ال كەشەلى-بەرى قازاقستان مەن تۇركيا ارىپتەستىكتى تەرەڭدەتۋدىڭ امال-شارعىلارىن جاساستى. الىس-بەرىستى، بارىس-كەلىستى ارتتىراتىن جوبالاردى جولعا قويدى.

ەردوعان جالپى قازقاستانعا بەس مارتە كەلىپتى. ەكىاراداعى ساۋدا-ساتتىقتىچڭ كولەمى 5,4 ملرد دوللارعا جۋقىتايدى ەكەن. ەكى ەل اراسىنداعى ءىرى جوبالاردىڭ سانى 23 دەيدى.

جاسىرارى جوق، قازاقستان مەن تۇركياعا ورتاق مۇددە – ترانسكاسپي حالىقارالىق ءدالىزى – «ورتا ءدالىز». بۇگىنگى الاعاي دا بۇلاعاي كەزەڭدە ونىڭ ءرولى ەسەلەپ ءوستى. قازاقستان، ازەربايجان، تۇركيا باعىتى ەۋروپا مەن ازيا اراسىنداعى بالاما مارشرۋتقا اينالىپ بارادى. بۇل تۇركيا مەن قازاقستاندى ناقتى گەوەكونوميكالىق سەرىكتەس ەتتى. قورعانىس سالاسىندا ارەكەتتەستىك ارتتى. ساراپشىلار ءتىپتى ورتالىق ازيانى XXI عاسىرداعى جاڭا لوگيستيكالىق توراپتاردىڭ ءبىرى دەپ باعالاي باستادى. قازىر بۇل باعىتتاعى جۇك تاسىمىلانىڭ كولەمى 4 ملن توننادان اسىپتى. بۇعان «باكۋ-تبيليسي-جەيحان» مۇناي ءدالىزىنىڭ ماڭىزدى ەكەنىن جانە قوسىڭىز.

قۇدايعا شۇكىر، باۋىرلاس ەلدەردىڭ ساۋداسى دا، مادەنيەتى دە، سپورتى مەن اسكەري سالاسى دا دامىپ جاتىر. ەكى ەلدە دە تىنىشتىق پەن بەيبىتشىلىك بولعاي!

Abai.kz