Qazaqstan tәuelsizdigin jariyalap, ekonomikalyq baghytta kenes odaghynyng ydyrauyna әkelip soqtyrghan josparly sharuashylyqtan bas tartyp naryqtyq ekonomikagha kóshti. Búl óz kezeginde elding enbek naryghyna, mamandyq tandaugha, qala berdi búrynghy әkimshilik bólinisine aitarlyqtay әser etti.

El túrghyndary ýlken-kishi, er- әiel demey bazargha, sauda jasaugha bet búrdy. Sonyng nәtiyjesinde orta jәne shaghyn biznes ókilderi qalyptasty. Olar «ózin ózi júmyspen qamtushylar» dep әspetteldi. Ózge de mamandyqtar tasada qalyp qoydy. Key salada júmysshy tapshylyghy aiqyn sezildi. Mәselening ózektiligin jete tanyghyn preziydent Toqaev 2025-jyldy júmysshy mamandyqtar jyly dep jariyalady.

Óz sózinde: "Júmysshy mamandyqtaryn dәripteu arqyly qoghamda enbekqor jәne naghyz maman bolu iydeyasyn nasihattaymyz! Adal әri tabandy enbegimen tabysqa jetken adamdar qashanda qúrmetti, syily boluy kerek" dep kesip aitty Qasym-Jomart Toqaev.

Búl der kezinde qabyldanghan sheshim edi. Árkim saudamen millioner boludy armandaytyn zamannyng uaqyty ótti. Adal enbekpen әr salada enbektenip-aq baquatty dengeyge jetetin zaman keldi. Sony jete týsinu ýshinde preziydentting bastamasyn qoghamda basa dәripteu manyzdy. Ásirese jas buyngha. Qazirgi internet zamanynda ósip jatqan jas buynnyng әleumettik jelide hayp quyp, onay jolmen aqsha tabudy kәdimgidey kәsip etip alghany jasyryn emes. Oghan qarsy zandyq túrghydan da naqty qadamdar jasalynyp jatyr.

Songhy 30 jylda Ishki jalpy ónim qúny 10 myng dollardan asqan elder qatyryna engen, ekonomikalyq jetistigi әlemdik dengeyde moyyndalghan elimizde qanday mamandyqqa da oryn, naqty tabys bar. Ony resmy statistikalardan anyq bayqaymyz.

Últtyq statistika burosynyng mәlimetinshe, 2025 jyldyng ekinshi toqsanyndaghy el boyynsha ortasha ailyq nominaldy jalaqy 448,6 myng tengege jetken. Qalalyq jerlerde – 471 myng tenge bolsa, auyldyq jerlerde – 381,7 myng tenge.

Keyingi bes jyldyng ózinde ortasha ailyq jalaqy eki eseden astam ósken.
Naqty mamandyqtardyng tabysyna toqtalsaq: qara júmysshydan tartyp avtobus jýrgizushisi, oraushy-fasovshiyk, arnayy tehnika mashinisti, traktorshy, dәnekerleushilerding jalaqysy 350 myng tengeden bastap 600 myng tengege deyin jetken. Qala men Auyldyq jerlerding jalaqy parqy aitarlyqtay azayghan.

Qazaqstandyq mamandardyng jalaqy mólsherin kórshiles eldderding deygeyimen salystyrsaq ta elding әleuetine anyq kóz jetkizemiz.

Qazaqstandaghy ortasha ailyq nominaldy jalaqyny 448,6 myng tg dep alsaq búl Ózbekstandaghy (shamamen 265 myng tg) kórsetkishten 70%-gha, Qyrghyzstandaghy (259,2 myng tg) kórsetkishten 73%-gha joghary.

Sondyqtan elimizde qalaghan mamandyqta enbektenuge, joghary tabys tabugha barlyq mýmkindik bar. Mәsele niyette, qúlshynysta, tabandylqta.

Mamandyqtyng jaqsy-jamany, abroyly-abroysyzy, ýlken-kishisi bolmaydy. Júmysshylar jylynyng kózdegeni de sol.

Abai.kz