كينو – شىنايى ءومىرىمىزدىڭ كورىنىسى ەمەس پە؟ XVII حالىقارالىق «ەۋرازيا» كينوفەستيۆالىنىڭ ءۇشىنشى كۇنىنىڭ قاتىسۋشىلارىمەن وتكەن ءباسپاسوز كونفەرەنتسياسى وسىنى دالەلدەدى. ەڭ اسەرلى فيلمدەر ءبىزدىڭ جادىمىزدا ساقتالىپ، ادالدىق پەن ءۇمىت تۋرالى سىر شەرتەتىنىن كورسەتتى.

«جەر انا» ءفيلمىنىڭ قويۋشى-وپەراتورى يسماەل بلانكو يسپانيانىڭ بوس قالىپ، قۇردىمعا كەتكەن اۋىلدارى تۋرالى ءسوز قوزعادى. ءومىر بويى اۋىلىنىڭ شاڭىن جۇتىپ، دالا توسىندە ەمىن-ەركىن جۇرگەن تۇرعىنداردىڭ كۇنكورىسى قيىنداپ كەتكەن. بۇل جەرلەردە ءومىر ءۇشىن كۇرەسۋگە تۋرا كەلەدى. فيلمدە ءشول دالا مەن مەگاپوليستىڭ تىنىس-تىرشىلىگى، ارتتا قالعان كۇندەر مەن جايلىلىققا تولى بولاشاق سۋرەتتەلىپ، قاراما-قايشىلىقتار بەينەلەنگەن.

«بۇل اۋىلداردىڭ تۇرعىندارى كاسىبي اكتەرلەر ەمەس. ولاردىڭ بەت-الپەتى مەن سويلەۋ مانەرى تاريحتان سىر شەرتەدى. ونى ويدان شىعارۋ مۇمكىن ەمەس»، – دەيدى ول.

قىرعىز رەجيسسەرى داستان جاپار رىسكەلدي شىنايى وقيعا نەگىزىندە تۇسىرىلگەن «شەكاراداعى مامىلە» ءفيلمىن ۇسىندى. ونىڭ تۋىندىسى ورتالىق ازيا جانە تۇركى ەلدەرى بايقاۋىنا قاتىسۋدا.

«مەنىڭ اعام قۇلدىقتا بولدى. بۇل 2000 جىلدارى بولعان جاعداي، بىراق وسىعان ۇقساس وقيعالار ءالى دە قايتالانىپ كەلەدى. ءبىز وزدەرىن قورعاي المايتىن ادامدار ءۇشىن وسى تۋرالى ءۇن قاتۋىمىز كەرەك»، – دەيدى رەجيسسەر. وسى فيلم ارقىلى داستان جاپار رىسكەلدي بۇكىل ورتالىق ازيا ەلدەرىندە وزەكتىلىگىن جوعالتپاعان قۇلدىق ماسەلەسىنە قاتىستى جانايقايىن جەتكىزبەك.

تاتار رەجيسسەرى سالاۆات يۋزەەۆتىڭ «عاشىقتار تاۋى» ءفيلمى ادام جانىنىڭ اسىل قاسيەتى ماحاببات پەن اسەمدىگىن جوعالتپايتىن تابيعاتتىڭ كيەلى ەكەنىن بەينەلەيدى. فيلم كەيىپكەرى ماحاببات سەرتىمەن بايلانىسى بار تاۋدى بارىنشا قورعاۋعا تىرىسادى.

«بۇل تاۋ تەك تابيعاتتىڭ كوركەم سىيى ەمەس. بۇل كەيىپكەردىڭ ادالدىعى مەن رۋحاني كۇشىنىڭ سيمۆولى»، – دەدى سالاۆات.

كينوفەستيۆالدە ەرەكشە اسەر قالدىرعان فيلمدەردىڭ ءبىرى – ارۋان انارتايدىڭ «جوقتاۋ» كارتيناسى. اتالمىش تۋىندى ورتالىق ازيا جانە تۇركى ەلدەرى بايقاۋىندا باق سىناسۋدا. وتاندىق رەجيسسەردىڭ ءفيلمىن تاماشالاۋ ءۇشىن كورەرمەندەر كەزەككە تۇرىپ، زالدىڭ ىشىندە ينە شانشار ورىن تابىلمادى.

«ستسەناري جازۋ بارىسىندا مەن ءالى دە قايعىدان قان جۇتىپ وتىردىم. جوقتاۋ يگى ادامداردىڭ دۇنيەدەن وتكەنىنە وكىنىپ، ولاردى ەسكە ءتۇسىرۋ ءۇشىن ايتىلاتىن ءسوز عانا ەمەس. بۇل ءبىزدىڭ مادەنيەتىمىز، ماڭگى مەكەنگە كەتكەندەرمەن سىرلاسۋدىڭ جولى»، – دەدى رەجيسسەر.

«جوقتاۋ» ءفيلمى جەكە قايعى مەن دالا ءداستۇرىنىڭ ۇلىلىعىن ۇيلەستىرە وتىرىپ، كورەرمەندەردى تەرەڭ تەبىرەنتتى.

«ەۋرازيا» كينوفەستيۆالى قاتىسۋشىلار مەن كورەرمەندەردى شابىتتاندىرىپ، ولاردى بىرىكتىرە وتىرىپ، ءوز جۇمىسىن جالعاستىرۋدا. كوركەم تۋىندىلاردى تاماشالاۋ مۇمكىندىگىن جىبەرىپ الماڭىزدار. كورسەتىلىمدەر كەستەسىمەن فەستيۆالدىڭ رەسمي سايتىندا تانىسا الاسىزدار: https://eurasiaiff.info/

ءداستۇرلى فەستيۆالدىڭ نەگىزىن قالاۋشى جانە ۇيىمداستىرۋشى – قر مادەنيەت جانە اقپارات مينيسترلىگى. كينوفەستيۆالدى تىكەلەي ۇيىمداستىرۋ الماتى قالاسى اكىمدىگىنىڭ قولداۋىمەن شاكەن ايمانوۆ اتىنداعى «قازاقفيلم» ۇلتتىق كينوستۋدياسىنا جۇكتەلگەن.

ايتا كەتەيىك، ءىس-شاراعا KAZ Minerals كەن ءوندىرۋ كومپانياسى، Sarens Kazakhstan, Eurasian Resources Group (ERG), Salem Entertainment, Kinopark Theatres كينوتەاترلار جەلىسى، Astana Motors, «قازاقتەلەكوم» اق جانە A-Event KZ دەمەۋشىلىك ەتتى.

باس سەرىكتەس: Bazis-A كومپانياسى.

اقپاراتتىق سەرىكتەستەر: «حابار» اق، Qazaqstan تەلەارناسى، «نتك» تەلەارناسى، «ەۆروپا پليۋس كازاحستان»، «ەلدوراديو»، Qazaq Gazetteri, Egemen Qazaqstan, «كازاحستانسكايا پراۆدا»، «انتەننا كازاحستان»، «نوۆوە پوكولەنيە»، ORDA, «قازاقپارات» حاا، ArbatMedia, El.kz, Baq.kz, BaigeNews.

Abai.kz