«ساباق بەرۋ - ۇيرەنشىكتى جاي عانا شەبەرلىك ەمەس، ول جاڭادان جاڭانى تاباتىن – ونەر». 

                                                                                          جۇسىپبەك ايماۋىتوۆ

ءار جەكە تۇلعا تابىستى بولعىسى كەلسە، ەڭ الدىمەن ءبىلىم ونىڭ باستى فاكتورى ەكەنىن ۇمىتپاۋى كەرەك. ءبىلىم بەرۋ سالاسىندا بولىپ جاتقان اۋقىمدى وزگەرىستەر ءتۇرلى باستامالار مەن تۇرلەندىرۋلەرگە كەڭىنەن جول اشا وتىرىپ، تاربيە مەن ءبىلىم بەرۋ ءىسىن جوعارى دەڭگەيگە كوتەرۋدى قاجەت ەتەدى.

پەداگوگيكالىق تەحنولوگيالاردىڭ باستى ماقساتتارىنىڭ ءبىرى – بالانى وقىتا وتىرىپ، ونىڭ ەركىندىگىن، بەلسەندىلىگىن، يكەمدىلىگىن قالىپتاستىرۋ، ءوز بەتىنشە شەشىم قابىلداۋعا ۇيرەتە وتىرىپ داعدىلاندىرۋ.

«ءبىلىم تۋرالى» زاڭدا: «ءبىلىم بەرۋ جۇيەسىنىڭ باستى مىندەتى - ۇلتتىق جانە جالپى ادامزاتتىق قۇندىلىقتار، عىلىم مەن پراكتيكا جەتىستىكتەرى نەگىزىندە جەكە ادامدى قالىپتاستىرۋعا جانە كاسىبي شىڭداۋعا باعىتتالعان ءبىلىم الۋ ءۇشىن قاجەتتى جاعدايلار جاساۋ، وقىتۋدىڭ جاڭا تەحنولوگياسى مەن يننوۆاتسيالىق ءادىس-تاسىلدەردى ەنگىزۋ، ءبىلىم بەرۋدى اقپاراتتاندىرۋ، حالىقارالىق عالامدىق كوممۋنيكاتسيالىق جەلىلەرگە شىعۋ»، - دەپ جازىلعان. وسى ارقىلى ءبىلىم بەرۋ جۇيەسىن ودان ءارى دامىتۋ مىندەتتەرى اتاپ كورسەتىلگەن. قازىرگى كەزدە وقۋ باعدارلاماسىنداعى ۇلتتىق ستاندارتتارعا، باعالاۋعا، وقۋلىقتار مەن وقىتۋ ادىستەرىنە قاتىستى ءبىلىم بەرۋ سالاسىنداعى وزەكتى قۇندىلىقتار مەن ماقساتتار مەكتەپ ءبىلىم الۋشىلارىنىڭ جالپى ۇلگەرىمىن ارتتىرۋدى، سونداي-اق يننوۆاتسيا مەن كوشباسشىلىقتى ەنگىزۋ ءۇشىن تالاپ ەتىلەتىن داعدىلاردى دامىتۋدى، ىسكە اسىرۋدى جانە اۋقىمدى حالىقارالىق تاجىريبەمەن ءوزارا ارەكەتتەسۋدى كوزدەيدى. جاڭارتىلعان وقۋ باعدارلاماسى مەن باعالاۋ جۇيەسىن ەنگىزۋ  اتالعان مىندەتتەردى شەشۋ ءۇشىن قابىلدانعان شارالاردىڭ ءبىرى.

جاڭاشا ءبىلىم بەرۋ جۇيەسىندە وقىتۋدىڭ بەلسەندى ادىستەرى-وقۋ ماتەريالىن يگەرۋ ۇدەرىسىندە ءبىلىم الۋشىلاردى بەلسەندى ويلاۋ جانە پراكتيكالىق ارەكەتكە يتەرمەلەيتىن ادىستەرى. بەلسەندى وقىتۋ ادىستەرىنىڭ ەرەكشەلىكتەرى، ولاردىڭ نەگىزىندە پراكتيكالىق جانە ويلاۋ ارەكەتىنە وياتا كەلە، بىلىمدەردى يگەرۋ العا قاراي تالپىنۋ بولمايتىنىن ەسكەرۋ كەرەك. وقىتۋدىڭ بەلسەندى ادىستەرىنىڭ پايدا بولۋى جانە دامۋى وقىتۋدىڭ الدىنا ءبىلىم الۋشىلارعا ءبىلىم بەرىپ عانا قويماي، تانىمدىق شىعارماشىلىق، قىزىعۋشىلىقتار مەن قابىلەتتەردىڭ، ويلاۋدىڭ، ءوز بەتىنشە اقىل-وي ەڭبەگىنىڭ قالىپتاسۋى مەن دامۋىن قامتاماسىز ەتۋ ت.ب. جاڭا مىندەتتەر قويىلۋمەن بايلانىستى. بەلسەندى وقىتۋدىڭ ءمانى ول - وقۋ ۇدەرىسى ءىس-ارەكەت  جۇزىندە بارلىق ءبىلىم الۋشى تانىم ۇردىسىنە ۇيىمداستىرىلۋىندا.  ساباقتىڭ تيىمدىلىگىن جانە تابىستى ەكەنىن قامتاماسىز ەتۋ - مۇعالىمنىڭ ايتارلىقتاي كۇش-جىگەرىن جۇمساۋى قاجەت ەتەدى. دەگەنمەن، ءار ساباقتىڭ تيىمدىلىگىن ارتتىرۋ ماقساتىندا كەز-كەلگەن پەداگوگتىڭ قولىنان كەلەتىنى انىق.

ءبىلىم الۋشىلاردىڭ قاجەتتىلىگىن قاناعاتتاندىرۋ تاسىلىندە ءبىلىم الۋشىلاردىڭ وقۋعا قولداۋ كورسەتۋ ماقساتىندا تەكسەرۋ جانە كەرى بايلانىس ۇسىنىلادى. ياعني، ءۋاجدى جانە ءوزىن-ءوزى باعالاۋ دەڭگەيىن ارتتىرا وتىرىپ قاي باعىتتا وقىتۋ كەرەكتىگى انىقتالادى. سونىمەن بىرگە ءبىلىم الۋشىلاردىڭ ءوز جۇمىسىن جاقسارتۋىنا مۇمكىندىك بەرىپ، ءبىلىم الۋشىلاردىڭ بارىنشا ءتيىمدى وقۋ جولدارىن تۇسىنۋىنە كومەكتەسەدى.

جاڭا پەداگوگيكالىق تەحنولوگيانىڭ ەرەكشەلىكتەرى ءوسىپ كەلە جاتقان جەكە تۇلعانى جان-جاقتى دامىتۋ. يننوۆاتسيالىق ءبىلىمدى دامىتۋ، وزگەرىس ەنگىزۋ، جاڭا پەداگوگيكالىق يدەيالار مەن جاڭالىقتاردى ومىرگە اكەلۋ. قازىرگى وقۋشىلار مەنىڭ ويىمشا دارىندى، دۇنيەتانىمى جوعارى، تالاپتى، ماقساتىنا قول جەتكىزە الادى جانە وزىندىك ويىن انىق جەتكىزە الاتىن.ولاي بولسا، جاس ۇرپاقتىڭ بويىنان مەيىرىمدىلىك، ادامگەرشىلىك، ىزگىلىك، سانا-سەزىم قالىپتاستىراتىن ىزگى ىستەردى كورە الامىز.

قورىتا كەلە ساباقتا ءتيىمدى ءادىس-تاسىلدەردى ءتيىمدى قولدانساق، بالانىڭ تانىمدىق بەلسەندىلىگىن ارتتىرۋعا، شىعارماشىلىق، ءوز بەتىنشە ءبىلىم ىزدەپ، زەرتتەۋشىلىك قابىلەتتەرىنىڭ قالىپتاستىرۋعا ىقپال ەتەمىز.

ايزات قۇتتىبايقىزى موجانوۆا،

م.جۇماباەۆ اتىنداعى №137 جالپى ءبىلىم بەرەتىن مەكتەپتىڭ باستاۋىش سىنىپ مۇعالىمى.

الماتى قالاسى

Abai.kz