قازاقستاندا كونستيتۋتسيانىڭ 30 جىلدىعىنا وراي 2025 جىلى جاريالانعان امنيستيا اياسىندا قىلمىستىق-اتقارۋ جۇيەسى مەكەمەلەرىنەن 2 مىڭنان استام ادام بوساتىلعان.

قاجك دەرەگىنشە، ەلدەگى سوتتار شامامەن 16 مىڭعا جۋىق ارىز-ءوتىنىشتى قاراعان. ناتيجەسىندە 11 مىڭنان استام ازاماتتىڭ جازا مەرزىمى قىسقارتىلعان. بۇدان بولەك، پروباتسيا قىزمەتى ەسەبىندە تۇرعان ادامدارعا قاتىستى ماتەريالدار قارالىپ، 2,9 مىڭعا جۋىق ادام جازانىڭ قالعان بولىگىن وتەۋدەن بوساتىلعان، تاعى 7,6 مىڭنان استام ادامنىڭ جازا مەرزىمى ازايتىلعان.

امنيستياعا كامەلەتكە تولماعاندار، كامەلەتكە تولماعان بالاسى بار ايەلدەر، اياعى اۋىر ايەلدەر، قارت ادامدار جانە مۇگەدەكتىگى بار جاندار ىلىنگەن.

امنيستيا تەك ونشا اۋىر ەمەس جانە ورتاشا اۋىرلىقتاعى قىلمىستار جاساپ سوتتالعان ادامدارعا قولدانىلدى. اۋىر جانە اسا اۋىر قىلمىس جاساعاندار، سىبايلاس جەمقورلىق، ەكسترەميزم مەن تەرروريزم ايىبىمەن سوتتالعاندار، كامەلەتكە تولماعاندارعا جىنىستىق سيپاتتاعى قىلمىس جاساعاندار، ازاپتاۋ ايىبىمەن جاۋاپقا تارتىلعاندار، سونداي-اق قايتادان قىلمىس جاساپ سوتتالعاندار امنيستياعا ىلىنگەن جوق.

دەرەككوزى: ازاتتىق راديوسى

Abai.kz