مەملەكەت باسشىسى وسىعان دەيىن جالپى ۇلتتىق دەڭگەيدە  “زاڭ مەن ءتارتىپ” كونتسەپتسياسىن قولدانىسقا ۇسىنعان بولاتىن.  مەملەكەتتىك ورگاندارى بۇل بويىنشا قازىرگە دەيىن بىرقاتار جۇمىستاردى اتقارىپ جاتىر.

“زاڭ مەن ءتارتىپ” تەك قانا ۇكىمەتتىڭ نەمەسە قۇزىرلى ورگانداردىڭ مىندەتى عانا  ەمەس، ازاماتتىق قوعامعا دا ارتىلعان جاۋاپكەرشىلىك. ءاربىر ازامات قىلمىستىق ارەكەتتەرگە قارسى تۇرۋعا دايىن بولۋى كەرەك. قىلمىستى حابارلاۋ، ونىڭ الدىن الۋ ءھام قىلمىستى بولدىرماۋ ءاربىر سانالى ازاماتتىڭ مىندەتى. وسى رەتتە ۇقك قازاقستاندىقتارعا ۇندەۋ جاسادى:

ۇندەۋدە ۇقك قىزمەتكەرلەرىنىڭ اتىنان جاسالاتىن جاڭا الاياقتىق ءتۇرى پايدا بولعانى ايتىلادى.

سوڭعى ۋاقىتتا قىلمىسكەرلەر ءوزىن ازاماتتارعا ۇقك جانە باسقا دا ۆەدومستۆولاردىڭ قىزمەتكەرلەرى رەتىندە تانىستىرىپ، تەلەفوننان قوڭىراۋ شالىپ، الداۋ ارەكەتتەرىن جۇزەگە اسىرۋدا. تەلەفون شالۋشىلار بانك شوتتارىندا كۇماندى ترانزاكتسيالار نە بولماسا تەرگەۋ ءجۇرىپ جاتقانى تۋرالى ايتىپ، ازاماتتاردىڭ سەنىمىنە كىرەدى.

كەيبىر جاعدايلاردا الاياقتار جالعان قاۋىپ-قاتەرى تۋرالى حابارلاپ، تەرروريزمگە قارسى ارنايى وپەراتسيالار جۇرگىزىلىپ جاتقانىن ايتادى، دەيدى قر ۇقك.

ۇلتتىق قاۋىپسىزدىك كوميتەتىنىڭ مالىمدەۋىنشە ينتەرنەت الاياقتار جابىرلەنۋشىلەردىڭ سەنىمىنە كىرۋ ماقساتىندا جالعان كۋالىكتەر مەن ۇقك لوگوتيپى بار جالعان قۇجاتتاردى ۇسىنادى.

“كۇدىكتىلەر اڭگىمە بارىسىندا ازاماتتاردىڭ اقشالارىنا قاۋىپ ءتونىپ تۇرعانى تۋرالى مالىمدەپ، قاۋىپسىز ەسەپشوتقا قاراجاتتاردى اۋدارۋدى سۇرايدى. كەيدە ولارعا جيناقتارىن ساقتاپ قالۋ ءۇشىن نەسيە الۋعا كەڭەس بەرىلەدى، سولاي اقشا قىلمىسكەرلەردىڭ شوتتارىنا تۇسەدى. وعان قوسا، ۇقك-ءنىڭ جالعان قىزمەتكەرلەرى جۇمىسپەن قامتۋعا، الەۋمەتتىك-تۇرمىستىق ماسەلەلەردى شەشۋگە كومەكتەسەمىن دەپ، اقشا سۇراۋى دا مۇمكىن”، – دەلىنگەن حابارلامادا.

بۇل زاڭسىز ارەكەتتەر قىلمىستىق كودەكستىڭ 190 (الاياقتىق) جانە 385 (جالعان قۇجاتتاردى، مورلەردi, بلانكىلەردى، مەملەكەتتiك پوشتا تولەمى بەلگىلەرىن، مەملەكەتتiك ماراپاتتاردى قولدان جاساۋ جانە تاراتۋ) بويىنشا قىلمىسقا جاتادى.

– وسىعان بايلانىستى ۇقك قۇقىق قورعاۋ جانە ارنايى ورگاندار قىزمەتكەرلەرى ازاماتتارعا ەسكەرتەدى: قىزمەتكەرلەردىڭ قوڭىراۋ شالىپ، ءتۇرلى شوتتارعا اقشا اۋدارۋدى تالاپ ەتپەيدى.  تەرروريستىك ارەكەتتەردى توقتاتۋ سىلتاۋىمەن دە مۇنداي ءوتىنىش جاسالمايدى.

ەگەر سىزگە وسىنداي مازمۇنداعى قوڭىراۋلار نەمەسە ۇسىنىستار تۇسكەن جاعدايدا قۇقىق قورعاۋ ورگاندارىنا حابارلاسۋ قاجەت. ازاماتتارعا قىراعىلىق تانىتىپ ، مۇقيات بولۋلارى قاجەت ەكەندىگىن ەسكەرتەمىز، – دەپ ۇندەدى ۇقك.

ايىم الماسقىزى

Abai.kz