بەيسەنبى, 28 ناۋرىز 2024
جاڭالىقتار 2930 3 پىكىر 17 قىركۇيەك, 2019 ساعات 11:08

ترامپ مۇناي نارىعىن تۇراقتاندىرۋ ءۇشىن اقش رەزەرۆىن اشۋعا دايىن

اقش پرەزيدەنتى دونالد ترامپ قاجەت بولعان جاعدايدا ەلدىڭ ستراتەگيالىق مۇناي قورىن پايدالانۋدى تاپسىردى. بۇل تۋرالى ترامپ تۆيتتەر ارقىلى حابارلادى.

بۇعان قوسا ترامپ ساۋد ارابياسىنداعى مۇناي بازاسىنا كىمدەر شابۋىلداعانىن اقش بىلەتىنىن، بىراق ەر-رياد تەرگەۋىنىڭ ناتيجەسىن كۇتەتىنىن مالىمدەدى.

The Washington Post گازەتىنىڭ دەرەككوزگە سىلتەمە جاساپ حابارلاۋىنشا، اقش اكىمشىلىگى شابۋىلعا قارسى جاۋاپ بەرۋ مۇمكىندىگىن قاراستىرىپ جاتىر. باسىلىم مالىمەتىنە قاراعاندا، جەكسەنبى كۇنى ترامپ اقش قورعانىس ءمينيسترى مارك ەسپەرمەن كەزدەسكەن. گازەت بۇل كەزدەسۋدە ناقتى نە تالقىلانعانىن حابارلامادى.

جەكسەنبىگە قاراعان ءتۇنى ساۋد ارابياسىنىڭ شىعىسىنداعى Saudi Aramco كومپانياسىنىڭ مۇناي بازالارىن ون درونمەن اتقىلاعان. سونىڭ سالدارىنان الەمدەگى مۇناي نارىعىندا شيكى مۇناي تاپشىلىعى بەس پايىزعا دەيىن جەتتى.

شابۋىل جاۋاپكەرشىلىگىن يەمەندەگى حۋسيتتەر توبى موينىنا العان. بۇلىكشى توپتى يران قولداپ وتىر.

اقش مەملەكەتتىك حاتشىسى مايك پومپەو شابۋىلعا يراندى ايىپتادى. "تەگەران الەمنىڭ مۇناي نارىعىنا بۇرىن بولماعان سوققى جاسادى" دەپ مالىمدەدى ول. يران ايىپتاۋلاردى جوققا شىعارىپ وتىر.

ساۋد ارابياسىنداعى وقيعادان سوڭ الەم نارىقتارىندا مۇناي باعاسى كوتەرىلدى. Brent ماركالى مۇناي فيۋچەرستەرىنىڭ قۇنى لوندون بيرجاسىندا 13 پايىزعا كوتەرىلىپ، باررەلىنە 70 دوللارعا جاقىنداپ قالدى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3505