الماتى قالاسىندا Orda.kz سايتىنىڭ بۇرىنعى باس رەداكتورى گۇلنار باجكەنوۆاعا قاتىستى سوت پروتسەسى جالعاسىپ جاتىر. بۇگىن سوتتا كۋاگەرلەردىڭ ايعاقتارى تىڭدالدى.

كۋاگەرلەردىڭ ءبىرى ساندۋعاش دۇيسەنوۆانىڭ ەلدە بولماۋىنا بايلانىستى ول ءوز ايعاقتارىن جازباشا تۇردە ۇسىندى. پروكۋرور بۇل ايعاقتاردى سوت وتىرىسى بارىسىندا وقىپ بەردى. وعان سايكەس، ساندۋعاش دۇيسەنوۆا سايتتىڭ مەنشىكتى ءتىلشىسى بولىپ جۇمىس ىستەگەن جانە باجكەنوۆانىڭ تاپسىرمالارىن ورىنداعان. ونىڭ مىندەتىنە اقپارات جيناۋ جانە وقيعا ورىندارىنا شىعۋ كىرگەن.

سونىمەن قاتار، كۋاگەر الىنعان اقپاراتتىڭ شىنايىلىعىن تەكسەرۋ رەسمي ساۋالداردىڭ جوبالارىن ازىرلەۋ ارقىلى جۇزەگە اسىرىلعانىن مالىمدەدى. ول مۇنداي ساۋالداردىڭ جوبالارىن رەداكتسياعا جولداپ وتىرعان. الايدا ولاردى ءتيىستى مەكەمەلەرگە جىبەرۋ-جىبەرمەۋ تۋرالى شەشىم قابىلداۋ، سونداي-اق ماتەريالدى جاريالاۋ ماسەلەسى رەداكتسيا باسشىسى گۇلنار باجكەنوۆانىڭ ايرىقشا قۇزىرەتىنە كىرگەن.

تءىلشى رەتىندە جۋرناليستىك قىزمەت اتقارعانىنا قاراماستان، كۋاگەردىڭ Orda.kz سايتىندا جاريالانىمداردى ورنالاستىرۋعا رۇقساتى دا، مۇمكىندىگى دە بولماعان.

سوتتا ول كورىنەۋ جالعان اقپارات تاراتۋ ءىسى اياسىندا قارالىپ جاتقان بىرنەشە ەپيزود بويىنشا جاۋاپ بەردى.

ەپيزودتاردىڭ ءبىرى بۇرىنعى بالىق شارۋاشىلىعى ينسپەكتورى «س» تۋرالى ماتەريالدارعا قاتىستى بولدى. كۋاگەردىڭ ايتۋىنشا، ماتەريالدى دايىنداۋ بارىسىندا ول ءفوتوتۇسىرىلىم جۇرگىزىپ، كەيىن جينالعان اقپارات پەن ماقالا جوباسىن باس رەداكتورعا تاپسىرعان.

تاعى ءبىر ەپيزود «قازاقستان تەمىر جولى» ۇك» اق-مەن بايلانىستىبولدى. كۋاگەردىڭ سوزىنشە, ماتەريالدى دايىنداۋ بويىنشا تاپسىرمانىجانە باستاپقى دەرەكتەردى وعان باجكەنوۆا بەرگەن. سونداي-اق, بۇرىنعى باس رەداكتور تەمىرجول بويىنداعى ىقتيمال زاڭ بۇزۋشىلىقتاردى قالاي ءتۇسىرۋ كەرەكتىگىن دە ايتقان.

ىقتيمال زاڭ بۇزۋشىلىقتار انىقتالماعان سوڭ ساندۋعاش دۇيسەنوۆا ماتەريالدى جاريالاۋعا قاتىستى تۋىنداعان كۇمانءىن Orda.kz سايتىنىڭ بۇرىنعى باسشىسىنا جەتكىزگەن. سوعان قاراماستان، ماتەريال وڭدەلىپ، ايتارلىقتاي وزگەرىستەرمەن جاريالانعان.

سونداي-اق, كۋاگەر «ECSAD» جشس-عا قاتىستى ەپيزود بويىنشا دا جاۋاپ بەردى. ونىڭ ايتۋىنشا، باستاپقى ماتەريالدار انىقتالماعان دەرەككوزدەن الىنعان. ماتەريالدى دايىن بولعاننان كەيىن ول ونى باجكەنوۆاعا تاپسىرعان، سودان سوڭ ماقالا جاريالانعان.

وسى ماتەريال بويىنشا سول كومپانيا كەيىن تەرىسكە شىعارۋ مالىمدەمەسىن جاريالاعان. كۋاگەردىڭ سوزىنشە, ول جاريالانعان اقپاراتتى تاعى دا تەكسەرۋدى ۇسىنعان، الايدا باجكەنوۆا بۇل ۇسىنىستان باس تارتقان.

ەسكە سالا كەتەيىك، گۇلنار باجكەنوۆاعا ءۇش بىردەي قىلمىستىق قۇقىق بۇزۋشىلىق جاسادى دەگەن ايىپ تاعىلىپ وتىر: اسا ءىرى مولشەردە سەنىپ تاپسىرىلعان بوتەن مۇلىكتى يەمدەنۋ جانە تالان-تاراجعا سالۋ, زاڭسىز كاسىپكەرلىك قىزمەتپەن اينالىسۋ، سونداي-اق كورىنەۋ جالعان اقپارات تاراتۋ.

Abai.kz